حبيبتي هدي نفسك والله قلبي عورني عليك انا من وجهة نظري روحي بيت اهلك ارتاحي لك كم يوم

بس حسسيه انك عارفه كل شي يعني قبل ماتروحين بيت اهلك خلي الصور في سطح المكتب علشان

اول مايفتح الكمبيوتر يشوفهم ويعرف انك دريتي بس يمكن انه تاب وماعاد يشوف هالصور لأنك لقيتيهم في

سلة المحذوفات وتفرق كثير والخيار الثاني حبيبتي انك ماتروحين بيت اهلك عطيه فرصه يمكن يكون مظلوم

يمكن احد من ربعه ارسل له هالصور وماكان يدري انه بيرسلها بعدين هو لو فيه شي كان حفظ الصور في

الكمبيوتر مو يرميهم في المحذوفات والله لو زوجك سيء وفيه شي ومو مضبوط كان خانك اقل حاجه الجوال

كان كلم بنات وطلع معاهم والله اني اعرف متزوجين وكل اسبوع سفره لحالهم يدورون الحرام لكن زوجك

فيه الخير وماعنده هالخرابيط يعني فيه ايجابياته وهو احسن من غيره الحين روحي صلي لك ركعتين واقري

قرآن وجهزي له الغدا وتعدلي له وعطيه اللي يبي في الفراش ادري انك مو مقصره معه لكن زيادة الخير

خيرين وتعوذي من الشيطان لاتفرحين الشيطان والله انه ماراح يرتاح الا اذا عمل مشكله بينكم وفاتحي

زوجك بطريقه ذكيه في الموضوع بحيث انك ماتخسرينه ولاتطلعين نفسك غلطانه وقولي له بكل صراحه انك

حذفتي صور وبعدين رحتي المحذوفات علشان ترجعينهم ولقيتي صور خليعه ولاتبينين له انك شاكه فيه

قولي له الظاهر ان في احد مخترق جهازنا ودخل لنا الصور او يمكن فيه ملف تجسس خليك ذكيه والله محد

راح يخسر غيرك ان واجهتيه بيقلب السالفه عليك وبيقول ليه تفتشين والله بيقلبها عليك انتبهي اختي

والكمبيوتر حاولي انك تخلينه دايم في الصاله بحيث انه ماينفرد فيه تحججي بأي حجه واذا مارضى لاتخلينه

يجلس لحاله عليه جلسي معه والله يهديه ويوفقكم وطمنيني عليك ياقلبي وانا في خدمتك وانا الحين

متصله وبنتظر ردك