مساء الخير
انا حبيت استشيركم في موضوع
الموضوع هو خالي تعين في منطقه نائيه جنوب المملكه _جبليه_المهم هو الوحيد بين 5بنات ماشاء الله كلهم موظفات وهو اصغر واحد طبعا لما تعين راح للمنطقه وقال انها جبليه والخطوط وعره هذا طبعا من حوالي 3 اشهر تقريبا طبعا مايقدر يطلع وينزل لان سيارته كامري فترك سيارته هنا وظل هناك ساكن مو مرتاح طبعا لان مافيه تليفون ولا كهرباء وحالته سيئه وطفشان مو قادر يتأقلم
طبعا امي شاورت خالتي واتفقو انهم يشترون له سياره جيب يعني يقدر يطلع وينزل فيها
المهم اتفقو ان كل وحده تساهم ب30الف علشان يجيبون له سياره وكاله المهم ارسلت له امي يوم الاحد انه يجي وطلع امس وقالو له اختار سياره اختار (ارمادا-نيسان) وقال انه حاب هالسياره وحتناسبه
ايش حصل خالاتي ثلاث انسحبو
يعني رفضو يساهمون بحجة انه ازواجهم ما وافقو ومصاريف البيت عليهم الى اخرررررررررررررررره
وخالتي الرابع قالة بتدفع من 10-الى15 الف فقط حسب امكانيتها زي ما تقول مع العلم لها12سنه معلمه
طبعا اخذ في خاطره المسكين سوى حاله مو زعلان بس والله حسيت فيه
قامت قالت امي لا تزعل هو فورا قال والله ما تشترون شي انا بأمشي حالي هالسنه والسنه الجايه يفرجها الله
امي اقسمت انه تشتري لها السياره اللي نفسه فيها وافخم نوع
بس هي ماعندها الا 85الف وماتدري بكم الارمادا وانا وياها حايسين مانعرف شي
فهي تقول ما حتشتري الا وكاله بس حتخلي البنك اللي يشتري لها يعني على الراتب
سوالي ايش افخم نوع من الارمادا والالوان اللي يفضلونها الشباب مع العلم ان خالي عمره26ماادري اذا كان مهم تعرفون والا لا
وكم سعرها وكاله كاش وتقصيد
واذا بتدفع امي 85كاش كم يفضل من السعر تقصيد
مع العلم ان انا وامي مانقدر نروح الوكاله تعرفون بس بنخلص المعامله من البنك ؟
ومشكورين طولت عليكم

__________________

يارب إن عظمت ذنوبي كثرة
فلقد علمت بأن عفوك اعظم

إن كان لا يرجوك الامحسن
فبمن يلوذ ويستجير المجرم

ادعوك رب كما أمرت تضرعا
فإذا رددت يدي فمن ذا يرحم

مالي اليك وسيلة الا الرجاء
وجميل عفوك ثم اني مسلم