منتدى عالم الأسرة والمجتمع - عرض مشاركة واحدة - إبنتي لم تذهب للمدرسة والسبب . . . .

22-04-2007, 10:36 AM

عضو متألق

تاريخ التسجيل: Jul 2004

المشاركات: 955

بصراحة بصراحة
وبدون زعل

انتو -الاب والام - الغلطانين

البنت المفروض ما تروح على المدرسة بملابس مش نظيفة

الافضل انكو مسحت الام البقعة او بدلت الملابس

ما بعرف ليش الموضوع اخد جانب العند ومين اللي بدو يمشي كلمته

بعدين مين الافضل؟ انها تكون تحافظ على النظافه او تكون غير مبالية ؟

بعدين هاي الايام الاطفال كتيير قويين
يعني يمكن بنتك تسمع تعليقات من صاحباتها

انا مريت بنفس الظرف
عندي بنت عمرها 7 سنوات بتروح بكير كتيير على المدرسة وعندي توأم
لما كنت والدة جديد ما كنت انام الا عند الصبح
فكانت بنتي تروح على المدرسة بدون ما اشوفها

كنت احضر الكتب وملابسها والشغالة تمشطها
الشغالة القديمة كانت فنانة بتمشط البنت بطريقة رائعة
لما سافرت وأجت شغالة جديد ما طلعت بتعرف تمشط منيح وانا لاني كنت تعبانه من الولادة ما ركزت كتير
الا بيوم لما رجعت البنت من المدرسة كان شكلها زي كأنها مش ممشطة شعرها
ما بتعرفو شو حسيت ساعتها

بصراحة حسيت اني اسوأ ام بالعالم واني مهملة ووووووووووووووووو

ومن يومها وانا بصحى - حتى لو كنت ميته تعب - بمشطها وبرتبها قبل ما تروح

والله انوا الاطفال كتير حسساسين
شو بتتوقعوا حكتلي ؟؟؟؟؟؟؟؟؟؟!!!!!!!!!!!!!!!!!!!!!!!

ماما الحمد لله انا فكرتك نسيتيني بعد ما ولدتي وجبتي اخواتي
بس الحمد لله انك لسه بتحبيني زي اول

والله اني ظليت فترة مكتئبة اني خليتها ولو فترة بسيطة تشعر اني اهملتها