هههههههههههه اضحك الله سنكم
والله ضحكتوني وذكرتوني بطفولتي! انا لما كنت صغيره مثلها! كنت دلوعه بشكل ما تتصورنه! خصوصا اني أصغر وحده.... وبنت بعد 4 اولاد ما شاء الله.... وشكله ابوي كان مستانس انه واخيرا جته بنت! ووايد كان يدلعني عكس امي.... كانت تتعامل معاي بجديه وحزم.....
والله كنت اي شي ابيه لازم يصير واذا ما صار اقلب الدنيا!
ولما امي وابوي يعاقبوني دايما كنت اردد اذا ما تقدرون تتحملوني ليش جبتوني في هالدنيا! 
الصراحه والحق يقال كنت بنت قويه! ومحد يقدر علي! والله لما اتذكر اللي كنت اسويه فامي وابوي قلبي يعورني.... هههههه بس الحمدلله عقلنا وكبرنا واتغير الحال.... صرت احاول اعوض امي وابوي عن كل المشاكل اللي سويتها قبل 
دايما امي كانت اتقولي جبت اربع اولاد ما جنوني مثل ما انتي جننتيني!
وعن سالفة تسريح شعرها! ترا لا اتحاتين حبيبتي سمو الأميره اغلب البنات جذيه! والله أذكر لما كنت فالصف الأول عاندت وما رحت المدرسه لأني امي ما سوتلي شعري مثل شعر وحده في صفي! امي اتقولي طيب كيف شعرها وانا اسويلج ومسكينه اتفك شعري وترجع اتمشطه وانا اقولها لا مو كذا غير! واصيح وما اروح المدرسه إلا غصب! ومره امي الله يخليها كانت شاريتلي احذيه للمدرسه فمره اتقولي يلا اختاري اي واحد تبين تلبسين اليوم! قلتلها كلهم باخين ما ابيهم! اشترولي واحد ثاني الحين! ههههه والله لما اذكر اضحك من وين يشترولي الساعه 7 الصبح! أي محل فاتح الحين!
مثل ما قالت الغاليه روح الغالي بنتكم يبغيلها مسايس! ونصيحه حاولوا ما ادلعونها كثير لأنكم بتتعبون بعدين!
الله يصلحها ويحفظها لكم ان شاء الله
__________________
ادعولي ربي يفرج همي... محتاجه لدعواتكم
التعديل الأخير تم بواسطة الهم ; 23-04-2007 الساعة 03:38 PM