منتدى عالم الأسرة والمجتمع - عرض مشاركة واحدة - ماذا اهدي خطيبتي بعودتها من الخارج

04-05-2007, 11:20 PM

#10

حاملة الهم

عضو مميز

تاريخ التسجيل: Jan 2006

المشاركات: 814

السلام عليكم ورحمة الله وبركاته

اول شي الله يرجعها لك بالسلامة ويتمم زواجكم على خير يارب ..

انا اقول .. سو لها كيكه عليها صورتها في محل انت واثق انه بس حريم اللي يشتغلون فيه .. وهاذي الكيكه خلها جدام اهلها عشان تظن انها هاي هي الهديه .. مافي غيرها ..

ويوم تروح الغرفة تتفاجئ انه مسوي لها هديه عباره عن .. مثلا لو هي طبيبه ممكن تحط الهديه على فلين وعليه نفس عمود صغير ملبس بالطو الدكاترة وسماعه .. وتحت البالطو يعني خله مفتوح قميص حلو اشتره على ذوقك ..

وف نص الفلين .. اعمل دائرة من الورد يعني ورود على شكل دائرة مادري اذا فهمت قصدي لين ماتوصل ف النص انه بس تصير وردة وحده يعني 5 ورود مسويين دائرة داخلهم 4 ورود داخل 3 ورود لين مانوصل حق دائرة وحده او وردة وحده الوردة الاخيره خلها صناعيه حط عليها عود اسنان والصق عليها ورقة ناعمه واكتب عليها بظل احبك لين ماتذبل هاذي الوردة اللي هي الوردة الصناعية اللي ماراح تذبل طبعاً ..

طبعا حجم الفلين يكون شوي كبير عشان توزع عليه الاغراض ..

الحين اتفقنا انه على طرف الفلين يكون البالطو وف النص الورد .. عقب ف الاجزاء الفاضية من الفلين .. ممكن تشتري لها مجموعة عطر و لوشن ومكياج من اي ماركة هي تحبها وممكن تسال اختها اذا ماتعرف ..

ممكن تشتري لها لعبه الحب .. انا اللي اعرفه انها تبناع في جرير .. وممكن تحط في مخبا البالطو كوبون .. انه بتسوي لها شي تحبه .. او مثلا اوعدك بان تكون ايامنا حلوة وسعيدة او او يعني من هالكلام الحلو .. او مثلا اوعدك بعشا فاخر في اي مطعم تختارينه ..

وممكن في مله .. اللي هو الصحن الغزير او مثلا صندوق حلو تحط فيه حلويات حلوة او كافي من ماركه حلوة او حتى مثلا كافي عادي بس هي تحبه ..

وعلى وسادة اطبع صورتك وصورتها في يوم الملكه او اي صورة حلوة لكم انتو الاثنين وحطها مع الهديه .. أو مثلا كم برواز فيه صور حلوة لكم << هاذي هدية معنوية بس تأثيرها قوي ..
او ميداليه او كوب عليه صوركم ..

وفي محلات تسوي على الزجاج مثلا مبروك رفعتي الراس ومن هالكلام ..

وممكن اذا هي لسه ماتخرجت عشان تشجعها تحفر لها في اي محل على الخشب .. المهندسه " ---- " او الدكتورة " ----- " او الاستاذه .. وحتى لو تخرجت بيفيدها لانها بتحطه على مكتبها ان شاء الله ..

حاليا هاذي الافكار اللي عندي .. واسمح لي اذا في شي مش واضح ..

واي سؤال انا حاضرة .. ربي يهنيكم ويسعدكم