هوني على نفسك يا لولو
أمك و أخوك إن شاء الله ما يريدون لك إلا كل خير
أحياناً من كثر ما بيسمعوا الأهل من المشاكل و الحوادث بيخافوا على بنتهم خوف هستيري ... لكن صدقيني بيكون ده من حبهم ليك
عاوزة فعلاً الحل ... قربي من والدتك جداً جداً ،، حاولي إنك تكوني صديقة ليها ، إشركيها في كل تفكير إنت بتفكري فيه ، حتى إذا كان الأمر صعب في البداية ... لكن واحدة واحده هتحسي إن أمك بقت أكثر صديقة مقربة ليك ، و ساعتها أمك هتحس إنك كبرت و هتبدأ تثق في عقلك و تفكيرك
الصبر ، الصبر ، الصبر ،، و بالحكمة إن شاء الله هتكسبيها
مش تنسي إنها أمك و هي أحن قلب عليك
و بعد ما تكسبي جولتك مع والدتك ،،، هي هتاخدلك بتارك من أخوك
بهزر معاك ....
لكن لما تقربي من والدتك هي بالتالي هتبدأ تأثر على أخوك و هتبدأ تحميك من الدنيا كلها
و ساعتها هيكون الطريق ممهد قدامك إنك تتخذي نفس الطريق في كسب أخوك في صفك
و هدي أعصابك لأن لا متضرر في الموضوع ده غيرك
وفقك الله لما يحب و يرضى و فرج همك و رفع عنك الغم و الحزن