السلام عليكم اخواني واخواتي

انا كتبت الموضوع هذا بس لاني ابغي منكم تدعون لي هذا بس اللي ابغيه منكم

انا الحمدلله بنت على قدر من الجمال والخلق وملتزمه الحمدلله ..

المشكله اني حبيت اخو صديقتي وهو يبادلني الحب .. وانا ظليت 3 سنين ارفض كل اللي تقدمولي لاني اترياه يتقدم لي..

لكن المشكله ان هله رافضين .. ليش ؟ لانهم مايعرفون هلي .. !!!

هم من منطقه بعيده شوي .. لكن مافي سبب منطقي .. انا صديقة بنتهم والحمدلله من عايله مشهود لها بالاخلاق والدين ..

الولد وايد حاول معاهم واخته خبرتني هالكلام لكنهم معاندين مع انه قال لهم انا ماباخذ غير هالبنت :(


انا نفسيتي وايد وايد تعبانه وطول اللليل اصيح حتى عيوني قرحت (بدون مبالغه) .. واحسن اني مابي غيره ولين احينه معلقه امل مع انه ماشي امل ..

اتمنى منكم تدعون لي بس ان الله يرزقني به ويجمعنا لاني مستعده اظيع عمري عشانه

انا مستحيل حد يتقدم لي خلاص .. كبرت داخله على 22 سنه وكل الناس ماخذين عني فكره اني ارفض ورافعه خشمي .. مع اني كنت ارفض عشانه ..

نفسيتي تعبت كل صديقاتي تزوجن ونا اخاف اقعد عانس ..



واسمحولي طولت عليكم .. وماكتبت هالموضوع الا من حرتي وقهري

بس والله مابي منكم غير الدعاء حد يدعيلي فصلاته .... والله ينولكم اللي فبالكم

ويرزقكم بالذريه الصالحه



اختكم