والله معها حق ,, صدقيني اني امر بحالة مايعلم بها الا الله ما انام الليل ابدا
طول الوقت تفكييييييييييييير والنهار انام شوي ,, واذا قمت احس بتعب واحس
الوقت يمضي بقوة بس انا اهلي الله يخليهم لي يارب تاركين كل شيء علي صح
ماقصروا معي بس انا الي افكر فيهم من الكوافيرة الي رح ياخذونها وفساتينهم
وموديلاتهم وكيف بنزف وكيف بجهز شقتي وكيف بجهز اموري وجهازي متى برتبه
وكيف بجلس مع زوجي واش رح يصير ومتى رح نروح القاعة ومتى رح انزف
والمعازيم اش رح نقدم لهم وكيف نستقبلهم والاضاءة كيف تصير والعاملات كيف
يمشون ويسمعون الكلام ولا بيسوون حركات استهبال ,,,,


وشريط الزفة لسى ماسويته ,, وبنحف ولا مابنحف ,, كل حاجة انا افكر فيها لحالي
احس اني تعبت نفسياً ,,, احس اني لحالي حتى لما اطلبهم يتصلوا بدالي احس
اني تعبت يقولو انت اتصلي ,,


انا زواجي باقي عليه تقريبا شهر ونص احس اني مزنوقة حتى الكوافيرة لسى ماحجزتها
بصراحة ما الوم العرايس اخواتي ثنتين متزوجات وكنت شايلة كل شيء عنهم واساعدهم
لدرجة اني حسيت اني انا العروسة ,, والحين اخواتي مو عندي بنفس المدينة حتى اخواتي
المتزوجات افكر بموديلاتهم ؟؟؟؟؟؟؟؟؟؟؟؟؟؟؟؟

كنت اتمنى اكون مرتاحة والكل يشيل عني لكن الحمدلله على كل حال


الله يوفق كل عروسة ويرزق كل بنوتة بالزوج الصالح ,, مشكورة اختي روح الغالي ,,
على هالموضوع احس اني فضفضت وقلت الي بخاطري اسفة اذا ازعجتكم ,,

جزاكم الله خيرا ,,,