أختى أم مريم زودك الله التقوى و غفر ذنبك و يسر لكى امرك و يهديكى انت و زوجك

اول حاجه يا اختىانت قلتى أنك ما شاء الله ملتزمه هل تعلمى ان شيطان لعنه الله عليه يدعوا ابالسته

لعنهم الله كل يوم ليطلع على افعلهم فى اذيه البشر ويسعد و يحتفل بالذى استطاع ان يفرق بين الزوج و

زوجته

ثانيا : أختى أعزك الله فين البيت اللى لا يوجد به مشاكل و خصوصا و عن تجربه شخصيه أول سنه زواج

مش بتبقى مستقره حتى و أن كان عن حب

أنت بلسانك قلتى أنها مشاكل تافهه طب مين اللى بيبدأها< على طول هو و لا بطوله مشتركه > انا

حاسه انك مستفزه منه كثيرا و أحساسى و الله اعلم انك بتشجعيه على الخناق بدون ما تدرى

عارفه ليه لانك مكنش عندك خبرات عاطفيه قبله وحاسه ان ده ميزه عظيمه و< صدقت> بس فى نفس الوقت

شايفه ان اى شئ بالمقابل مش كفايه لانك عايزه تعيشى قصه عاطفيه مثاليه و الرجال مش عاطفين مثلنا

أرجوكى تسامحينى لو كلامى فيه شئ ضايقك و حافظى على بيتك ولا تدخلى أو تعرفى حد مش معنى

كلامى أنك غلطانه أبدا ابدا كل المشكله ان محدش فيكم نجح فى انه يعرف الثانى عايز اه !!!!!!

أبدئ انت

استحمليه و خاطبى عقله بعقلك مش بقلبك و ابتعدى عن المواضيع الخاصه لمده يوم خلى كلامكم فى

مواضيع عامه و ان حصل صدام وافقيه على كلامه حتى و ان كان عن عدم أقتناع اشعريه برجولته فى اتفهه

المواقف و هتشوفى الفرق لان أكيد هو كمان هيشعر انك بتحاولى أرضائه وهيفعل المثل بأذن الله

و كمان ممكن تغيروا جو سافروا مثلا أو غيروا أماكن الخروج

ان شاء الله كل شئ سيتغير الى الأفضل و لكن أصبرى ان الله مع الصابرين