مواجهة الــــــــزوج !! هل هو الحل السليم؟؟
السلام عليكم ورحمة الله وبركاته
مســــــــــاء الخير
اخواني الاعزاء ....
في بالي سؤال حيــــــــــــــرني كثيـــــــــــر...وشاغل بالي ليل نهار ...
لو الزوجه وجدت في جوال زوجها رسائل بالشات بينه وبين بنات
والزوجه سكتت وماصارحت الزوج
هل هذا هو الحل السلــــــيم ولالا؟؟
بصراحه الموقف هذا صار لوحده من اعز صحباتي
وقالت لي عن هالموقف بكل تفاصيله وطلبت مني المشوره
المشكله ومافيها اني نصحتها تسكت تماما وتتغاضى عن الموضوع
ولاتجيب طاري وتبين له ان اللي يتحرش في بنات الناس
بيجي يوم ويتحرش الناس بعرضه ولو بعد حيــــــن ...(طبعآ بأسلوب حلو )
صديقتي الله يهديها التزمت باللي قلتلها سبوع بعد الاسبوع تقول :
اني خلاص ماني قادره اتحمل وصرت ارمي عليه كلام ...
مثلا لما يهمشها ولايعطيها وجه تقول ايه عشاني اطلب الحلال صار صعب ..لكن لو انه بالحرام ولناس مايستاهلون يصير ولا اسهل منه....
والمعضله الاكبر ان زوجها رافض يتكلم بالموضوع واذا جابت سالفة الموضوه اياه زعــــل عليها لدرجة
انه مايكلمها ولاكلمه وينام وهو على هالحاله ...
وبأخر مره كلمتني وهي تبكي ...
تقول ماقدرت اصبر صارحته بلحظة زعل وكان دمي فاااااير منه ...
وقلت له اني شفت المسجات بجوالك وآخر عمرك ترمي نفسك بالاماكن المشبوهه هذي
رد عليها :وقال انا ما سمح لك تتكلمين علي بهالكلام ولوتكلمتي مره ثانيه بهالموضوع
ماراح يحصل لك طيب ...!!!
والمفروض تتأكدين قبل ماتتكلمين ...وصديقتي تقول وشلون اتأكد وهو جواله وما احد يتجرأ يمسكه فما بالك يستخدمه؟؟؟
المهم انا بصراااحه ضعت معها ...
واحتاج مشورتكم ...
هل نصيحتي لها في محلها ؟؟
وما رأيكم بتصرفها علمآ انهم الان متخاصمان جدآ ووصلت بينهم للطلاق ولكن الله ستر...
ومانصيحتكم لها ((وعلى فكره بطبع ردودكم وبخليها تشوفها )
اتمنى تعطوني ارآئكم الحكيمه
والصادقه لنساهم في حل مشكلتها
وهي والله بمثابة الاخت لي يهمني امرها فلا تخذلوني ...
والف شكر لكم مقدمآ
[HTML][/HTML]
__________________
التعديل الأخير تم بواسطة هاايدي ; 14-05-2007 الساعة 05:49 PM