السلام عليكم اخواني واخواتي,انا ابني عنده نفس المشكله ,الكثير منكم قال يمكن الخدامه,انا ما عندي خدامه بس مو عارفه ليش ابني كذا اصلا بس يشوفني لابسه كم صغير يجي بسرعه ويبوسني ويسوي حركات اللهم ياكافي تقولون واحد كبير,احنا لا نشوف افلام خرابيط ولا شي والغريب انه يعرف اشياء غريبه مثلا مره واحد بالتلفزيون عطا وحده باقة ورد وكنا انا وابوه جالسين والتفت علينا وابتسم ابتسامه خطيرة وقال عطاها ورده كانه فاهم شسالفه حتى لما يشوف اثنين بمسلسل قاعدين قعده رومانسية يبتسم ذيك الابتسامه وهو تراه متعاق بي واجد عمره الحين اربع سنوات ونص ولا انجبت عليه للحين (عندي اثنين اكبر منه)وهو عندي طول الوقت ما يروح مكان ولا يختلط باحد يروح الروضه كل يوم ثلاث ساعات ويرجع وهو كانت هالعاده من زمان ولما اسال الكل يقول لانه متعلق بش مو اكثر وعندي صديقه عند ولدها نفس المشكله واستشارت الطبيب قال لها الطفل ما تنمو عنده الغريزه بهالسن المبكر ولا تظهر بها الشكل,الله يستر ,اللي عندهاحل تساعدنا مشكوره