وش المتعة بكثرة النقاش في هالموضوع؟؟

اراهن ان هذا اكثر موضوع يتناقش في المنتدى وهو الموضوع الوحيد اللي مع كثرة النقاش ما توصل لفائده او نتيجة..

ياخواني ريحو نفسكم لا انتم مغيرين رايكم ولا احنا مغيرين راينا التعدد اباحه الله ولم يلزمه يعني مباح وانتم تتعاملون معه وكأنه واجب..

ولمعلوميتك نحن كنساء لسنا مجبرين على قبوله عاطفيا وياليت احد الاخوان ينسخ فتوى الشيخ ابن عثيمين رحمه الله عندما سألوه اذا تضايقت المرأة وكرهت موضوع التعدد وحزنت لو فكر فيه زوجها بدون ما تنكر اباحيته وشرعيته فهل تكون مذنبه ورد عليها رحمه الله بانه لا ذنب عليها..

ياخواني تزوجو بكيفكم مثنى وثلاث ورباع ولكن انسو الموضوع ان الزوجات بينبسطون ومارح يعارضون هذي عااااااطفة ومشاعر ربي اوجدها في نفوسنا ولا تنتظرون اليوم اللي بتجي زوجتك تقولك حبيبي وش رايك تزوج احس اني قدمت عليك!..

وبعدين وش قصدك الرجل اذا صار عمره ستين وزوجته اربعين ما تكفيه يعني يروح ياخذ وحده عمرها 20؟ وش رايك عاد ان اغلب الزوجات في الاربعين يشتكون من برود ازواجهم ورح اقرا اخر البحوث الرجل يكبر وتقل شهوته والمرأة تبقى على حالها اذا لم تزيد والا فلم اخترعو فياقرا للرجال ولم يخترعو اخرى للنساء؟؟

اخوي في الله كثر اللت والعجن في هالموضوع ما منه فايده ورجائي لحد يحط الرسول مجال للمقارنه فالرسول صلى الله عليه وسلم تزوج اول مرأة في حياته اكبر منه بحوالي عشرين عام وبعد ما توفت اعتزل الزواج سنتين حزنا عليها ثم تزوج بعدها السيدة سودة بنت زمعة رضي الله عنها وكانت ارمله وعمرها 80 عام..

بالعربي الرسول صلى الله عليه وسلم كان يتزوج للستر على الارامل والمطلقات ولاهداف في نفسه وليس مثلكم للتجديد والمتعة.. انا مااحرم التعدد للمتعه والتجديد ولكن اقول لا تقارنو نفسكم به صلى الله عليه وسلم..

__________________