هوني عليك يا جميل

ليه بس بتفكري في حذف الموضوع ؟؟؟ إحنا هنا كلنا علشان نكون جنب بعض و نساعد بعض و نهون على بعض

ليه عاوزة تعيشي لوحدك حتى مع أحزانك و همومك ... اكتبي و عبري عن حزنك صدقيني ده هيقلل كتير من الحزن جواك

يمكن يكونوا أهلك غلطانين في تعاملهم معاك

لكن خليني أفكر معاك في حاجه ... مين اللي تعبان من المعاملة دي ؟؟ مين المتضرر الوحيد من الأفكار و الأحاسيس اللي جواك ؟؟؟

إنت بس .. صح ؟؟؟

يبقى حاولي تصلحي نفسك بنفسك

حاولي تلتمسي لهم الأعذار حتى لو كانت أعذار غريبة ،، هتلاقي إن نفسيتك اتغيرت تماماً معاهم

مثال ((اختك الحامل لما قعدت معاكم و كانت متدايقة من ريحة الأكل ،، كان ممكن تلاقيلها عذر إن الحامل بتكون متدايقة و تعبانه خصوصاً في شهورها الأخيرة ... و اللي حصل إن مامتك قدرت الموضوع ده علشان كده وقفت معاها))

حاولي تفتكري مواقف كويسة مرت عليك من أهلك ،،، زي لما كانوا بيشتروا لك حاجه بتحبيها ،، لبس أو حلويات .... افتكري لما كنت تعبانه (ربنا يديم عليك الصحة و العافية) مين اهتم و وداك للدكتور و اهتم بأحوالك

أكيد هتلاقي مواقف كتير بيظهر حب أهلك فيها .. لكن انت بس دوري

كمان حاولي تفكري من وجهة نظرهم همه ... يعني شوفي يمكن مامتك متدايقة منك في حاجه أو في شئ بتعمليه بيدايقها منك ... حاولي تقربي منها و تحكي معاها كتييييييير

يمكن أحوال أهلك مش تتصلح بالطريقة دي معاك ... لكن الأكيد إن نفسيتك هتكون أحسن و هتكوني أهدى و ده المهم

ربنا يكرمك و يوفقك و يسخر لك قلب أهلك ... و تأكدي إن أي أم و أب مهما كانت قساوتهم مع أبنائهم إلا إنهم بيحبوهم و بيخافوا عليهم مهما حصل

__________________

	[blink]"و اصبر حتى يحكم الله و هو خير الحاكمين"[/blink]