عزيزي كنتنيو انت ما تبحث عن جديد فالاراء كانت متنوعة جدا وانما تبحث او تنتظر اجابه معينة تشفي غليلك.. وش رايك اعطيك الاجابه هذي واريحك من عناء الانتظار الذي قد يطول..

نعم النسااااااء انانياااات فالمطلقات تعاني وتتعذب وتتمنى الرجل الذي يستر عليها ولكن نحن الزوجات لا نشجع ازواجنا على الزواج بهم.. ياللانانيه وحب التملك يجب ان نرفض حب الذات هذا ونقف بوجهه وتقوم كل زوجة الان وتقنع زوجها بان يتزوج ارمله او مطلقه عليها كي تستر على اختها المسلمة حتى لو كان هناك شباب كثر في الثلاثين والاربعين عازفين عن الزواج نتركهم في حالهم ونحاول ان نزوج ازواجنا باخريات بما انهم راغبين في الزواج واللي رافض الزواج من اساسه نخليه على راحته ونراكم النساء في البيوت كل بيت يشيل اربع حريم والشباب اللي ماعندهم فلوس واللي رافضين الزواج نخليهم.. هذا الحل بنظرك؟!

ياخوي كفاية تكرار مطلقات وارامل التعدد تستغلونه لمتعتكم خلنا نكون صريحين لو كل الشباب قدر يتزوج ماعندنا مشكله ولا تقولي البنات كثر صدقني اكثر من احصائية اقيمت في السعوديه بالذات وظهر ان عدد الشباب يفوق البنات ولكن المشكله صعوبات الزواج وارتفاع المهور وكثرة الفساد اللي خلت الشباب يعزفون عن الزواج.. ناظر حولك شف كم رجل في الثلاثين قاعد بدون زواج؟ شف كم شاب بالعشرينات يتمنى يتزوج ولاهو قادر واذا وصل للثلاثين يأس وبدا ينحرف وترك الزواج خلف ظهره..

مشكلة الرجال انهم يحطون الزواج باخرى اول حل لاي مشكلة يسمعها مافيه اي قدرة على التفكير.. ليش صار عندكم هوس؟؟ ليش صار هذا اكثر موضوع يناقش في المنتدى؟ ليش صارت هذي افضل واهم سنة يجب تطبيقها؟ ليش صار هذا الشي اللي لازم الزوجه غصبن عنها تقبل فيه وفيه اشياء كثير مهمه متجاهلين اهميتها؟ ليش هالتركيز الزايد والمبالغ فيه على هالموضوع؟

ياخي الناس تتزوج مرتين وثلاث عادي مافيها شي لكن مب لازم تمسك كل زوجه وتقول غصب اقبلي وانبسطي واضحكي ملى وجهك لما يلمح لك زوجك بالزواج؟ياخي حتى ايام الرسول الزوجات كانو يغارون من بعض ويحقدون على بعض احيانا وتصير مشاكل طويلة عريضه بسبب طبيعة الانثى النفسيه وعدم تقبلها لشريكة..

ياخي ترانا بشر وعندنا احساس شف شعورك لو رجال ثاني يلمس زوجتك وش يصير فيك.. ياخي حنا بعد عندنا مشاعر ونغار والتعدد شرعه الله واباحه ولم يلزمه ولم يلزم النساء بقبوله ولم يلزم النساء بتزويج ازواجها ياخي خلك منطقي شوي ليش تفكيرك محصور بنقطة وحده؟؟

والله ملينا من هالموضوع ياليت نتناقش بشي من وراه فايده مب نعيد ونزيد ليش ماتبين زوجك يتزوج..

يعني وش تبي بالنهايه ؟ اقولك ايه خلاص فعلا كلامك صحيح بكرا بروح اخطب لزوجي.. كذا يرضيك مثلا؟؟ والله عالم غريبة ومادري وشلون تفكر..

__________________