منتدى عالم الأسرة والمجتمع - عرض مشاركة واحدة

27-05-2007, 11:15 AM

حاملة الهم

عضو مميز

تاريخ التسجيل: Jan 2006

المشاركات: 814

السلام عليكم ورحمة الله وبركاته

اختي الغالية انتي مكبرة الموضوع وايد بارك الله فيك ..

وتدرين انك حسسيتني بالذنب .. بقول لك ليش

انا موافقة انه زوجي يتزوح علي وماعندي اي مانع ودايما اقول له اني انا اللي بختار لك اذا نويت ..
ومرة قلت حق رفيجتي .. ترى زوجي ناوي يتزوج تدرين اني تمنيت انه ياخذك .. يعني صاحبتي وقلبك ابيض وحنونه .. والله بنستانس مع بعض ..

الا قالت لي والله صيحتيني .. انتي طيبه .. والله يرزقك كل خير ولا زعلت ولاشي .. بالعكس زادت علاقتنا ببعض ..

اختي صديقتك تحبك وتبي لك الخير ..

راح يكون في غيره بس انتو تقدرون تتحكمون في نفسكم .. واذا الرجال عاقل وبيعدل ليش الغيره ..

واذا انتي مب حابه . كان بمنتهى البساطه ممكن تقولين لها والله يا فلانه انك ضايقتني ولاعاد تفتحين هالموضوع ..

مش تقطعينها وهي في بالها انها تبي تسوي خير من حبها لج ..

والله شوفي اشقد تحبج تبيج تشاركيتها في اغلى انسان عندها ..

الله يبارك فيك يا اختي .. وييسر لك الخير وين ماكان .. ويزوجك بخيرة شباب الامة .. كلمي صديقتك .. ورجعي اللي فات ولا تفتحين معاها هالموضوع دامه يضايقك ..