المشاركة الأصلية كتبت بواسطة مرتني الدنيا

السلام عليكم ورحمة الله وبركاته ..
بالنسبة لشعرج .. ياختي قصي اطرافه وسوي حركة فيه .. يعني مدرج ولا على شكل سبعه .. واتغذي عدل.. يعني فواكه وخضار.. وشربي ماي وايد ضروري خذيها مني انا مجربه والله شرب الماي يصفي الوجه والجسم ...

جفاف اليد والبشرة .. انا بالنسبه لي استعمل كريم نايتروجينا.. وايد يرطب وقوي..
لا تغسلين وجهك بصابون عادي ابد .. استعملي غسول.. اذا بشرتج مافيها بثور وايدة استعملي اوريال وايت برفكت اشتري الغسول والتونر والكريم مال الوجه الي يطلع منه لونين .. وايد وايد زين ..
واذا اتحسين انج تحتاجين غسول طبي اشتري من الصيدلية غسول اسمه افين ..
وفي خلطات زينه حق الوجه يعني روب "زبادي" مع شويه ليمون .. وخليه على وجهج فترة لين ماتحسينه جف.. واغسليه بماي فاتر بتحسين بفرق... سويها مرتين في الاسبوع ...
حطي خيار على عيونج وخليه لمدة عشر دقايق.. زين حق الهالات السود

الهالات السود .. نامي مبجر لا تسهرين وايد ابتدي من الحين مو لازم اتفكرين واتحاتين .. عندي كريم للهالات السود .. مادري وينه بدور عليه وبقولج اسمه وايد زين طبي اتحطينه المسا قبل ماتنامين واول ماتقومين ..

اذا جسمج كله جاف واتحسين انه مو صافي ومو لون واحد .. روحي للصالون وقوليلهم سوولي واكس.. بس مو العادي سوي فروت واكس.. هذا وايد وايد زين .. يزيل الشعر القصير ويشيل الطبقه الجافه وبعد ينعم البشرة بطريقه عجيبة .. ماتلقينه بكل الصالونات بس نصيحتي لج دوريه عدل وايد وايد زين

شربي بابونج .. وينسون .. وميرميه .. اتنظف الجسم ... من داخل.. فتفى بشرتج ..

قبل عرسج بيومين روحي الصالون اول سوي فروت واكس بعدين حمام مغربي.. عشان اذا في بقايا شعر يطيح مع الحمام ...

والف الف مبروك .. الله يوفقج ويسعدج مع زوجج ...

ان شاء الله اكون افدتج

دمتي بود

"ام وداد"