جزاكم الله الجنه جميعا ووفقكم لكل خير ..


بصراحه لاحظت آرؤكم بين مؤيد ومخالف للطلاق ..


لكن .. بالنسبه للصلاة فهو محافظ عليها ولو ان الفجر نادر يصليها بوقتها

هو رجل مستقيم بس للاسف فيه من صفات المنافقين


اذا حدث كذب هذا دائما

اذا اؤتمن خان احيانا وسبق وصار معي موقف وعطيته مبلغ حق ايمان لي عشان يصدقه واخذه له الله يسامحه مع انه مو بحاجه

اذا وعد اخلف دائما


الله يهديه .. والله حاولت معاه بالحسنى كثير وللاسف ما فيه فايده عنيد جدا


بالنسبه لمؤهلي .. كنت مشترطه عليه اكمل دراستي ووافق

وبعد الزواج نقض العهد وقالي انتي طالق لو كملتي مع انه بقى لي بالجامعه بس سنه

ابوي حاول يدخل ايامها بس انا منعته وقلت خلاص انا احبه وضحيت عشانه وطلع ما يستاهل هالتضحيه

وبالنسبه لاهلي فهم كرماء معي وابوي كل فتره يعطيني مبلغ

لكن اللي موتني قهر انه مبسوط انهم يصرفون علي ولا همه .. اجل وش فايدته محسوب علي زوج وانا متعبه نفسي عشان ارضيه ..


والله يابشر ما يستاهلني


وبالنسبه لعيالي انا بالقصد ابي اتركهم له لانهم راح يعذبونه ويحس بقيمتي

لكن لو اخذتهم بيروح ويتزوج واصير ما استفدت شي .. انا ابيه يتعدل وابغى اضغط عليه بالاولاد



اشكركم جميعا .. والله يكتب اللي فيه الخير


انا عند اهلي وعيالي معي بخليهم فتره وبعدين ارسلهم له ..وقلت له لا تكلمني ابد اذا تبي تتفاهم عندك امي تفاهم معاها لانه ما ودي ابوي يدخل الحين اخاف زوجي يقل ادبه عليه ويزعل ابوي ..