السلام عليكم ورحمة الله وبركاته ..

في بداية زواجي .. عشت في بيت اهل زوجي.. زوجي يرد من الدوام الساعة 2 ونص.. انا على الساعة وحدة ونص.. ادش اتسبح .. واحرص استعمل شاور جل ريحته حلوة ... وعقب ماخلص.. احط كريم ريحته حلوة بعد .. وطبعا اكون حاطة في بالي اني بقعد في غرفتي ماراح اطلع عند اهل زوجي.. فآخذ حريتي باللبس.. كنت البس شورتات قصيرة... ولا تنانير قصيرة .. المريحة .. واحرص على الالوان الهادية مثل الوردي الفاتح .. الاصفر الفاتح .. والازرق الفاتح .. واتعطر.. استخدم عطور منعشة .. مثل كوكو شانيل .. ولا دي كي ان واي..
احط ايلاينر.. يعني كحل فو ق العين .. وماسكارا ماحط داخل عيني شي (يعطيني شكل حلو الكحل الي فوق العين .. يصير شكلي ملائكي مثل مايقول) احط بلاشر وردي الي من ماك .. وماحط كريم اساس لانه يتعب البشرة .. وبعد مادري يصير شكلي كاني حاطة قناع..

ومرات البس عدسات ملونه .. مو دايما على حسب... من باب التغيير يعني...
ولما يوصل البيت من دوامه .. لازم اعطيه .. بوسه وابتسم له واحضنه ..
واساله قبل مايرجع لو يبي يتسبح اجهز له الحمام .. وافتح له الماي بالدرجة الي يحبها ..


بس ترا كل مرة غير.. خصوصا ان ماكان عندي مسؤولية بنتي الي الحين .. كنت اجهز على الوقت .. والبس الي ابيه من غير ماحاتي..

الحين احنا في بيت امي.. لين ماتخلص الشقه .. عشان اريح لي اتحرك على كيفي من غير مانحرج ولا احرج اهل زوجي.. اخر وقت اتنام فيه بنتي ادش الحمام اتسبح واتنظف واجهز .. حتى لو قبل مايرجع بساعتين ولا ثلاث لان امري مو بيدي ولا راح اعرف لو بتنام مرة ثانية قبل مايخلص من الدواوم ..
فاتنظف واجهز حق زوجي عشان لما اتقوم بنتي اكون فاضيه لها وماحاتي شي.. ولما يرجع زوجي يلقاني جاهزة له ان كانت بنتي نايمة بهذاك الوقت زين .. وان كان لا نستقبله انا وبنتي..

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...