ما اعرف شلون اوصف الي بداخلي من مشاعر تخنق اكثر من كل الي شفته ويمكن اذا مو اكيد ان كل اخواتي الارامل حسو بالي حاسه بيه وهو شعور الذله المر القاتل احيانا والاصعب لانه من الاهل ما اطولها عليكم وادخل بصلب الموضوع الي هو زوجي متوفي من فتره وشاءت الظروف انه كل الي نملكه من بيت وسياره واثاث انسرق بعد وفاة زوجي بس الفلوس موجوده والحمد لله طيب الان اني عند اهلي بس المشكله انه اذا طلبت اي شغله من اي احد وما ساعدني راسا احس بالذله واكعد ابجي لساعات واكره نفسي وبنتي واكره اهلي الي ذلوني واكره زوجي الي مات وعافني واتمنى لو اني هم اموت واخلص بس بصراحه وبيني وبينكم هذا شعوري طبيعي لو مبالغ فيه رغم اني حاسه اني شعور حقيقي وابد مو مبالغ فيه ؟ وفقكم الله دلوني اذا اكو غلط بطريقة تفكيري وهذا الي تاعبني واذا اكو اي من اخواتي الارامل الي مرو بنفس هذا الشي واذا اتجاوزوا هذا الشعور فشلون كدروا يتجاوزوا هذا الشعور ؟

__________________