أحس أن زوجتك تقول في نفسها نفس الكلام .. وتحس بنفس المشاعر تجهاك .. وتتعذب مثلك

وتندم كل يوم .. بس العناد .. التضاهر بالكبر .. زن الأهل والخوات .. أتجاهك لغيرها جرحها .. خذلتها وأهلك خذلوها من البداية ..

كل هاذي الأسباب تمنعها عن التنازل .. هي تحتاج مشاعر قوية منك تحتاج تحس بالأمان علشان تقدر تتخذ قرار وتتحدى لو أهلها وترجع لك .. تحتاج مواقف مب موقف واحد تثبت لها فيها انك شاريها وأنها في أمان معاك .. وأن الحياة الجديدة بتطوي صفحة الماضي ..

أنا أتكلم لاني زوجه وأحس بمشاعر كل زوجه بادلت زوجها الحب وكانت بينهم ايام حلوه .. مستحيل العشره تهون ألا أذا وصلت للأهانه .. وأنت ما قصرت معاها في يوم .. أنت تحبها وهي تحبك ..

تأكد أن زوجتك تحبك والدليل أنها أتصلت بك تترجاك ترجعلها بعد ما سمعت أنك بتصير لغيرها .. بس أنا أتوقع تعرضت لضغوط من الأهل وسكرت كل وسيلة اتصال بها .. والدليل أنها ما زالت تمر على الاطلال أتوقع تتمنى تشوف طيفك في الحاره .. ويرق قلبك وتحاول ترجعها ..

الله يعينك وتنساها اذا قررت تستمر بحياتك مع الزوجه الثانية والله يهديها اذا ما زال لك أمل فيها ..

مشكلة بعض الحريم توصل لدرجات من العناد ولو فيها تدمير لحياتهم ..


ونصيحتي لك لا تطلب من وسيط يتوسط بينكم .. ولا بالتيلفون حتى ..

روح لبوها وطلب تقابلها شخصيا وعلى أنفراد وشوف مشاعرها الحقيقة تجاهك بتطلع هذيك الساعه ..