انا اتوقع اسباب مشكلتك الروتين وانك تحسين بفراغ فكري بكلامي زين

اتوقع هذي المشكلة

انا عندي اقتراح شوفي نفسك وغيريها طوري من حالك شوفي هواياتك غيري ترتيب البيت

بتحسي بمزاج افضل اذا تقدري روحي لبيت ابوك يومين حتى تفتقدين زوجك وتحنين له

حاولي تغيري من حياتك الجنسية اقري في هالمجال كثير وحاولي تطبقي عشان تكسري الروتين

سوي مثلا اجتماع عائلي اذا عندك اطفال وتمارسون العاب او اي شي يخطر ببالك كل هذا تغيير روتين

بس نصيحة ابتعدي عن اللوم لا تلومي زوجك على اي شي دائما خلي تفكيرك ايجابي

بمعنى اذا تناقشتو مو الغرض يبان اللي على صح واللي على خطا لا

تناقشو بغرض الوصول الى حل وقرارات ايجابيه

ثقي بنفسك وبذاتك ولا تحبطي نفسك ابد هذا بيعطيك شعور واحساس افضل

تخيلي نفسك توك بتزوجين شزفي شنهي الافكار اللي بتخطر ببال العروس عشان تخلي حياتها سعيده

انسي الماضي وابدي صفحة جديدة

اتمنى تستفيدي من كلامي وتدعيلي ان الله يحقق اللي ببالي

بالتوفيق