أخوي أبو لمى
فعلا الحلول اللي وضعتها أنا طبقتها..
مستحيل الان اخليها تتكلم أكثر من ربع ساعة بالكثير دائما ماأنهي المكالمة بأنا مشغولة بعدين اكلمك!
طبعا هي تدري أنه ماراح اكلم..
نصحتها والله عن اضرار الجوال وهي تشكي من اذنها الان بسببه فرحت والله قلت يمكن تحل عني لكن استلمتني على البيت!!
ومثل ماقلت هي خفت كثير عن اول ..
مشكور على إيراد الحلول..

مادري وبس
صادقة والله أنا عطيتها وجه من البداية كنت مستمعه جيدة لمشاكلها اليومية!!
بس خلاص وصلت لحد الإكتفاء اللي فيني مكفيني!!
تسلمين ...

ام البراء
هذا أنا استخدم أسلوب التطنيش وفعلاً خفت مكالماتها طبعا مع رسائل العتب واللوم !!
صديقتك على الأقل كانت صغيرة تصرفات مراهقات!!
هذي اقول لك اكبر مني!!
ماقصرتي

sweet2244
والله مدري هي ماتفهم وإلا مسويه مو فاهمه!!
والله لمحت وصرحت بأني مو فاضية للمكالمات بس نفس الإسطوانة..وشو اللي مشغلك قول لي طيب !!
هي حاسه والله بس تدري مو متحملها غيري لهذا متمسكة فيني,,
تسلمين يالغالية


yasiressa
مثل ماقلت هي خفت بعد ماحست مللي من مكالماتها,,
يعطيك العافية..



هلا فوفو

والله مافيه تصريفة ماسويتها!!
أحيانا اترك ولدي وبنتي يردون عليها يستلمونها
إذا اتصلت على الجوال ارد برسالة أنا برى البيت ومو راجعه إلا نص الليل!!
ترد خلاص بتصل عليك الساعه وحده
اقول لها أنا في بيت اهلي
تقول طيب متى ترجعين بتصل عللى تلفونك!!!
تصدقين ولدت بقيصري فرحت قلت بارتاح اسبوع!!
والله متصله علي ساعة مافاقت من البنج!!
مسكينة
لمحت لها والله أن الدنيا مو جلسة بالبيت وتلفونات..
قلت اطلعي وسوي علاقات اجتماعية مع الناس,,
تقول تكفين الناس ماوراهم إلا وجع الراس وبنات جماعتي مايحبوني ويغارون مني!!!