اخي حزنك كبير والله يعينك ولــــــــكن
فكر واستوعب التالي :::
الاستخارة اول واهم شي
تاني شي البنت قالتها عبلاطة مابدها اياك وشو مستني؟افسخ الخطوبة وانت عالبر احسن ماتتزوجو
وماتحبك وتعيشو بنكد واخرتكو طلاق
وبالنسبة انك تتزوج بس عشان ماتبين فاشل فارجوك شيل هالفكرة حرام عليك
انت شاب وفي مقتبل عمرك
والله يوفقك في حياتك
الزواج مش لعبة
الزواج شي تاني عن الكلام والله عن تجربة ومسؤولية
والزواج حياة لاخر العمر إن شاء الله
فلشو تعمل بحالك هيك وتتزوج اي وحدة عشان خاطر ماتفشل وبس؟
اصلا هيك معناتو حتفشل 100% لانو متزوج من غير نفس ولا قناعة
صدقني احلفك بالله تشيل هالفكرة من راسك
الزواج شي كتير حلو بس مع الانسان المناسب والظروف المناسبة والحب والتفاهم والعشق
لهيك بعد متفسخ الخطوبة
ريح نفسيتك شوي
عيش حياتك وانبسط وفرفش
وبعد فترة لما تروح دور مرة تانية عبنت الحلال الي تحبها وتحبك
وهالمرة ما تستعجل بس بنفس الوقت ماتظلم بنات الناس
بمعنى لو خطبت وحدة تانية ماتعاملها عاساس انها متل الاولى
لانو اصابع ايدك مش وحدة
وانا ببصم بالعشرة كلامي راح تتزكرو وتوافق عليه
وتندم انك كنت بدك تستعجل وتتزوج بالعافية عشان بس منظرة قدام العالم والناس
وحتحمد الله وتدعيلي
فكر منيح الله يخليك الزواج مش لعبة
حرام تظلم بنت اخرى وتتزوجها هيك من غير شي بس عشان المنظر قدام الناس
انت بدك تتزوج عشان تنبسط وتنسعد وتعيش بحب
وعاااادي الاحلام الي حلمتها مع الاولى بتحلمها مع الاخرة وبتسعد إن شاء الله
وبتنسى كل الالم الي شفتو معاها
وحتعيش حياة سعيدة ملؤها العشق والحب
فقط انتبه جيدا بالاختيار ولاتتعجل
في العجلة الندامة
وان كان عكلام الناس
ارميه وره ظهرك ارجوك
لانو من راقب الناس مات هما
وعلى شوووووو
ماهما الناس بيحكو وبيحكو وبيحكو
ومالهم شغلة غير الحكي
ومابحسو بالواحد
وبضغطو عليه وبس
ومابهمهم شي بس لو الامر بخصهم كان الامر غير
فكل واحد حيصير يفتي ويتكلم من عندو وفلسفة وحالة والله عارفة وانو بدايق كمان
بس تجاهل كلامهم كلو
وخليك واثق بحالك جدااااااااااااااااااااااااااااااااااااااااااااا
وكل حد يقلك شي خليك واثق ومحترم عشان الناس كمان يحترموك
وشو ميحكولك احكيلهم عادي كلو قسمة ونصيب
وطنش
هاي نصيحتي الطويلة الك
عن تجربة صحيح اني صغيرة بالسن
لكن صدقني اخي بفهم
وياما الناس فشلت وكزا مرة بس بعدين نجحت احلى نجاح لانو مجربة من قبل وعارفة وفاهمة
كلامي كلو عن تجربة
ياما الواحد زعل وحزن وخاب املو في كتير ناس
بس بالاخر بستعيد ثقته بنفسو وبرجع يعيش حياتو لانو العمر كلو يومين
والواحد لازم مايضيعو بالزعل عالفاضي
موقف يارب
واحلفك بالله تسمع كلامي وتفكر فيه منيح
اما خطيبتك فهية مسكينة الحق مو عليها الحق عاهلها كيف بجبرو بناتهم عالزواج؟
هي اخرتها
لسة البنت هاي تكلمت اغلب البنات مابحكو وبتزوجو ومابعيشو سعداء
السبب اهاليهم
والله حرام ياريت كل اب يفكر قبل ميزوج بنتو ومايظلمها
تحياتي
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت