شوفي يالغالية

ترى الطفل في هذا السن يعرف يروح الحمام لكن انصحك بالتالي"ترى ما قد جربت لكني شفتها في برنامج"

المرحلة الأولى:
وهو صاحي بدون حفايظ وعند النوم أو برا البيت تلبسينه حفاظة
لكن

فيه وسائل تشجيعية للطفل منها
تواليت الأطفال وتلقينه بالصيدليات
حطي له لوحة بالحمام هذي اللوحة فيها منافسة يعني كل ما جاء عندك وقال لك انه عنده حمام ويعملها على التواليت حطيلة نجمة بحيث انه إذا حصل على ثلاث نجمات تعطينه جائزة
وإذا عملها على نفسه مرة وحدة اسحبي منه نجمة


لا عبيه وقت قضاء حاجته على التواليت وأكثري من ضمه واحتضانه اذا خلص واجلسي على ركبك عنده وطالعي في عيونه وقولي له أنا مبسوطة منك لأنك صرت رجال كبير

أما إذا عملها على نفسه وضحي له إنك متضايقة وقوليله انك راح تسحبين النجمة منه ولا راح تعطينه جائزة
هو طبعا راح يتضايق
بس وضحيلة السبب يعني تقولين له بجد وصرامة
أنا زعلانه منك لأنك ما جيت قلتلي انك تبغى الحمام

لكن انتبهي في المرة اللي بعدها إذا جاء قال لك انه عنده حمام كافئيه لأنك إذا ما كافئتيه ماراح يحس بفرق يعني سوا على نفسي أو في التواليت

زيني الحمام بأشياء يحبها طفلك علشان ينجذب للحمام ويحس بمتعة وهو فيه

المرحلة الثانية:
عند النوم وبرا البيت
أولا قبل لا يروح ينام قولي له يالله نروح الحمام علشان ينام وهو فاضي
على فراشه افردي مشمع أو سفرة من تحت الشرشف علشان ما يعدملك الفراش

وصحيه مرتين إلى ثلاث مرات وخذيه الحمام وقوليله يعملها أو رشيه في بطنه بشويه موية وهو دايركت راح يعملها

إذا صحي في الصباح وهو ما عملها على الفراش كافئيه وتدريجيا راح نتظم معك

برا البيت في الغالب انه راح ياجي يقول لك انه عنده حمام إلا إذا كان يلعب فهنا ياجي دورك اسأليه فيه حمام أولا
يمكن يقول لا علشلن يبقى يلعب خذيه معك الحمام ونفس الطريقة رشي بطنه بشوية موية

لكن
ترى ما فيه طفل يتعود على الحمام ويترك الحفايظ بدون ما يعملها كم مرة في المكان الخطأ

وأتمنى أكون أفدتك