هذا ما سببته لي ترسبات الماضي
في صغري تعرضت لتحرش جنسي من قبل اشخاص متعددين ( اخواني _ ولد عمتي _ ابن الجيران )
لكن الحمد لله لم اتعرض لاعتداء كانت مجرد تحرشات
(تقبيل- لمس اماكن حساسة- مداعبة خارجية وبين الافخاذ )
كنت قبل زواجي كثير اتذكر كل اللي كان يصير لي شريط يمر امام عيوني كل ليلة وكل ما حطيت راسي على مخدتي وبعد زواجي وانجابي لبنتي الكبيرة
عمرها الان 8 سنوات صرت كثير اشك في كل الاشخاص اللي حواليها اعمامها وخوالها
.دائما في بالي انها ممكن تتعرض لنفس اللي تعرضت له وزاد الطين بلة انها تعرضت لتحرش
جنسي من الشغالة
( لمس الاماكن الحساسة ولحس ومداعبة للبظر ) لما كان عمرها من 4 سنوات الى 5 سنوات ..
و لها عم اكبر منها بسنة ونص تقريبا ومتعلقة فيه حيل واخاف كثير من مخالطتها له
حتى لما تدخل دورة المياة (اعزكم الله ) اشك انها ممكن تحاول تكتشف اعضائها
و تسوي شي وتضر نفسها خاصة انها بعد اللي صار لها من الشغالة صارت كثير
تحصل لها التهابات وحكة في الاماكن الحساسة واحرص على انها ما تطول لما تدخل
دورة المياة واكون متوترة جدا في فترة بقائها في دورة المياة حتى زوجي لاحظ حالتي
وكثير يقول لي انتي معقدة واشك احيانا انك متعرضة لتحرشات جنسية في صغرك
وكل اللي تفكرين فيه عبارة عن ردة فعل او بقايا اثار للي تعرضتي له . طبعا هو
ما يعرف اي شي عن التحرشات اللي تعرضت لها.
انا الحين مقتنعة اني اعاني من حالة نفسية وتزداد حالتي سوء كل ما كبرت بنتي .
هذي مشكلتي ...
و فيه اشياء ثانية مادري اذا هي مرتبطه في حالتي هذي او لا وهي:
1- انا شفت امي وابوي اكثر من مرة في حالة جماع لما كان عمري من 10 الى 13 سنة تقريبا .
2- ما عندي اي رغبة في الجماع مع زوجي , و رغم اني احبه لدرجة كبيرة االا اني
اكره الجماع جدا ..ومن زواجي للحين صار لي 10 سنوات تقريبا ماحسيت بأي متعة
اثناء الممارسة . لكن كل مرة امثل اني احس بمتعة معاه لاني ابغاه هو يستمتع وما ابغاه
يحس بعدم رغبتي يعني باختصار علاقتي الجنسية معاه تمثيل في تمثيل .
ياليت تساعدوني وتوضحون لي شلون اتخلص من المشكلة هذي ابي ارتاح نفسيا من الهواجيس
والافكار هذي لاني والله تعبت وبنتي صغيرة شلون اذا كبرت وصارت في سن المراهقة .
الله يخليكم لا تقولون لي راجعي طبيب نفسي لانه شي مستحيل رغم اقتناعي بحاجتي له
لاني لو راجعت طبيب نفسي لازم زوجي يعرف وبيروح معاي ويدخل معاي عند الطبيب وقتها بيعرف
كل اللي صار لي . وما اضمن ردة فعله لو عرف .. مو قادرة اتخيل شلون بيكون تصرفه هل بيتقبل كل
شي وبيعتبره ماضي وراح ..
او بتتكون مشكلة جديدة الله وحده يعلم شلون بيحلها .
