انا وزوجي ونهايه الاسبوع ؟؟ ((كيف اتعامل معه))؟
مادري وش أكتب بالضبط اكتب اني طفشانه ومتضايقه والا نفسيتي تعبانه؟
والا أفضفض وأطلع هالهم اللي في قلبي؟
زوجي انسان طيب وحنون والحمدلله صحيح ما هو كامل يعني فيه شويه عيوب
بس ماهو لحاله حتى انا مو كامله ولا اي انسان كامل...
بس زوجي مشكلته مقرفه ودايماً تحصل بشكل اسبوعي تقريباً وأي اجازة ياخذها ...
المهم طول الأسبوع رجل عادي مثل الرجال الباقين يجي من الدوام يتغدى وينام ويصحى ويروح لأهله
ويجيب اغراض البيت .. يعني يومنا يمر طبيعي والحمدلله
بس المشكله يوم الخميس والجمعه وساعات تبدأ من يوم الاربعاء بالليل
تطلع نفسيته تعبانه ويدور على المشاكل ويزعل بسرعه لو من مزحه وينكد علي يومي ويزعل من توافهه
ويصارخ ومصدع ومعقد حواجبه ...ويسفهني ما يكلمني ويصارخ ..
وطبعاً اذا اخذ اجازة من الدوام نفس المشكله..
المهم ساعات انا اتنرفز من اسلوبه واعصب وازيد الطين بله وساعات اسكت واتحمل ومع ذلك يهيني ويذلني
ويقهرني
ومن تزوجنا وهذا حالنا
الخميس اللي فات ما بقى شي ماقاله لي شرشحني وجنني ما تركني انام الا وجهه الصباح
وجالس يقول انتي اسوأ زوجه بالعالم انا لما ربي يرزقني بفلوس بتزوج عليك 3 واقهرك ويتلفظ علي بلفظ
بصراحه قذر بكل معنى الكلمه ما ينقال الا بين الاولاد بالشارع
ثم يجي يوم السبت ويقول انا كنت متضايق وطفشان وزهقان وقلت هالكلام عشان اقهرك
سكت وقلت خير ان شاء الله دايماً هذي عادته
جا اليوم نفس الحاله قلب نفسيته زفت وبدأ بالزعل والنكد قمت قلت بمسك اعصابي حتى ما ازعله
وفعلاً مسكت نفسي عنه قام سفهني ولا يكلمني وطلع من البيت وحتى عطاني خبر وين بيروح
او ان كنت محتاجه شي او ناقصنا شي يعني ماهو زي عادته
مع اني ماسويت له شي وسفهني وحقرني وكأن جدار في البيت وش الحل معه؟
لنا سنتين و5 شهور متزوجين وهذي حالته كل خميس وجمعه واي اجازة ياخذها من الدوام؟
ملاحظات حطوها بالاعتبار :
ماعنده أصدقاء ولا يعترف بشي اسمه اصدقاء دايم بالبيت والا بيت اهله
مايحب يطلعنا ولا يمشينا ولا يسافر بنا ولا اي شي
===========================================
وش اسوي معه وليش هو يتصرف كذا وكيف اتعامل معه اذا جته نوبه المشاكل كل خميس او جمعه
انا احس اعصابي تعبت من اسلوبه وطريقه تعامله
المشكله اول مايصحى من النوم رايق بس تبداه هالحاله بعد مايصحى بساعتين ثلاث ..
يرجع طبيعي ومزاجه حلو يوم السبت !!
وش الحل معه؟
__________________
يارب سهل حملي ويسر ولادتي وقومني بالسلامه وفرحني برؤية جنيني في حضني وانا وهو بأتم الصحه والعافيه ..