الله يخليكم لاتهملون موضوعي
السلام عليكم ورحمه الله وبركاته
كيف حالكم
بصراحه عندي موضوع يمكن البعض له وجهة نظر وكم نقطة بالموضوع ماتعجبه
لكن بتكلم معكم بكل صراحه وكل مااحس فيه
انا مطلقة من عدة سنوات .. اتصلت علي زميلتي وقالت انه في رجل اكبر مني بـ 16 سنة
ومتزوج وعنده اطفال وله رغبه بالزواج الثاني
المشكلة الي ترددت بالبدايه عشانها انه مايبغى زوجته الاولى تعرف
لكن بعد ماسألت وسألوه طلع ان الرجال له نية يقول لزوجته لكن مو من البدايه ...
فأنا وافقت مبدأيا .. لكن عنده شرط انه يتكلم معي بالهاتف اول عشان يشوف عقلانيتي وكلامي المتزن قبل لا يخطي اي خطوة رسمية ..
بالبدايه ايضا رفضت لكن زميلتي اصرت علي بكلامها انه رجل كبير وفاهم مو راعي لعب وانه يبغى يشوف نفسيتي ومنطقي بالكلام وعقلانيتي .. وافقت على هالشي ..
لكن انا بصراحه خجلانه منه مره مره .. مو عشانه رجل .. لان بحكم شغلي احيانا اتكلم مع رجال بخصوص العمل.. لكن خجلي من انه ان ربي كتب يمكن يكون زوج لي ..
انا حاليا خايفة من المكالمة ومن اسألته .. مو عارفة وش راح يسأل عنه وايش راح يتكلم عنه
ومو عارفة وش الاسئلة الي اطرحها عليه ... الي اعرفه بس اني بقوله انا ابغى رجال يخاف الله فيني
وانا بصراحه مااخفي عليكم مرتاحه له مره مره .. كل مااستخير ارتاح اكثر
ياليت تفيدوني وش اطرح عليه من اسئلة ؟؟
كيف اخليه يرتاح لي من المكالمة عشان ان شاءالله الامور تمشي تمام..
واتمنى منكم الله يرضى عليكم ويرزقكم الجنه انكم تدعون لي بالتوفيق
والله يوفقكم ويرزق كل واحد ووحده ماتزوجت الله يرزقكم باللي تتمنونه ..
لا تهملون موضوعي الله يخليكم ....