منتدى عالم الأسرة والمجتمع - عرض مشاركة واحدة - ═╬╬═:: ألـــــــذ كبســــــة روبيـــــــان من مطبخي :: والصور تنطق

17-06-2007, 01:57 AM

#40

شمعة الجلاس2005

كبار شخصيات المنتدى

تاريخ التسجيل: Aug 2005

المشاركات: 1,769

اقتباس:

المشاركة الأصلية كتبت بواسطة mageed

اختي العزيزة شمعه
عندي سؤال معليه استحمليني شويه اختك فاشله في الطبخ

في الخطوة الثالثه لما تحطي الروبيان على البصل وتخليه يتحمر في الزيت ,, هنا الروبيان يطلع الماء اللي فيه هل نخليه لما ينشف الماء ,, وكيف تكون الطبخه والقدر فيه زيت وبنفس الوقت الماء اللي طالع من الروبيان ؟؟؟

اتمنى انك فهمتي سؤالي ,, واسفه على الاطاله ,,,

تحياتي ,,,

اختك ام مجيد

هلا بأختي أم مجيد ..

ياحبيبتي تسألين وتمونين .. وترى الطبخ سهل وإن شاء الله مع وصفات الأخوات في المنتدى راح تصيرين أحلى طباخة

..

وبالنسبة لسؤالك .. أحب آقول لك إني في السابق كنت أحط البصل وآخليه يتحمر من غير زيت وأحط بعدين عليه الربيان وآشوحه مع البصل من غير زيت لين ينشف الماي اللي في الربيان وهاذي الطريقة كثير يعملونها ولكن اللي ما عجبني فيها إنها تاخذ وقت أطول مثل ما قلتي لين ينشف الماي اللي في الربيان وبعدين لما أحط البهارات يحترق بسرعة ويطلع طعم الكبسة مو ذاك الزود يعني مو حلوة ..

ولكن لما عملت هاذي الطريقة يعني إني آحط الزيت على البصل وبعدين الربيان فلأن الزيت يكون حار على طول الربيان ينكمش وبسبب الزيت الماي اللي في الربيان بسرعة يتبخر وفي نفس الوقت ريحة الربيان وطعمة يصير أحلى وألذ ..

يارب أكون وصلت لك الفكرة .. وأي سؤال أنا حاضرة ..

... تحياتي ...

__________________