انا بصراحه زوجي من النوع الي ما يسافر وايد يعني بيتوتي .. يحب يقعد في البيت اكثر من الطلعه او السفر
و انا صارلي سنتين من تزوجت و لا مره زوجي فكر يسافر مع اصحابه دايما ياخذني معه ... مب لاني انا اقول له انه ياخذني معه بس هو يجيني و يقولي اريد اسافر للبلاد الفلاني انا و انتي .. مرات يكونو اهله معانا ..
وبصراحه لو يجي و يقولي بسافر مع اصحابي ما بيكون عندي مانع صح بزعل شوي بس انا ما بمنعه من السفر مع اصحابه لانه بالاصل مب مقصر معاي بس و الحمدلله ... هي مره وحده الي سافرها لوحده كانت شغل لمدة شهرين و على طول رجع و خذني معاه يعني ما اظن ان عندي اي مشكله ان زوجي يسافر لوحده .. لان الثقه بينا موجوده و الحمدلله و اذا انا مقصره معاه من حقه يشوفله شوفه ثانيه ويتزوج علي صدقوني انا ما اقول هالكلام بس ع الفاضي صدقوني اذا انا مقصره معاه من حقه يسافر و يخليني و ما يقولي الي انه مسافر و يسوي الي يريده ..

والسموحه منكم طولت عليكم ...

اختكم
السولعيه