اقتباس:
|
المشاركة الأصلية كتبت بواسطة al ameer
أخي الكريم.. كلامك .. جا ع الجرح...
و الله أنا أسوي مثل ما ذكرت .. وإي حد يسألني أقول ما صار نصيب .. وما أتابع اخباره موليا
ولكن
أمه الله يهديها تجي تقول اخباره بصوت عالي جنبي
أمس كنت ف حديقة ويا أهلي .. حديقة حريم بس.. وجت سلمت ما قصرت .. وبعد شوي راحت سحبت حريم وجابتهم جنبنا وقاعده تقول .. زوجنا ولدنا بوحده طويله بيضا متدينه ما تحب الطلعات و الدخلات ماتطلع من البيت موليا
وتلبس عباية واسعة وفوقها مثل مال المصريات ... وبعد شوي .. قالت هذي طليقته .. وأشرت علي و اللي معاهاا كلهم التفتوا علي ..
وأصلا كل اللي قاعد معايا كان يسمع كلامها لأنه بصوت عالي جدا .. وكلهم كانوا يطالعونها ونحن تقريبا كنا 50 حرمة قاعدات .. تخيل عاد شكلي وموقفي!!!
= وعلى فكره أنا متدينه وحافظة 7 اجزاء من القرآن وبعدني احفظ وملتزمة بحجابي = ومادري ليش قالت هالكلام!!!
الله يهنيه فيها ويرزقه ويعطيه كل اللي يريده بس امه تروح من قدامي
كل ما رحت مكان جت ف وجههي .. حتى اني صرت ما أريد أروح أي مكان أشك إنها في وإذا قدر الله ورحت صرت أخاف أوقف عسب ما تلاحظ وجودي ..
و الله احترت .. شو اسوي
وكان سبب طلاقي اني سمراء وهو تزوجني غصب عنه...
الله يهديهم ويرزقهم ويسعدهم ياااااااااااااااااااااااااااااااااااااارب بس يحلوا عني>> على قوله الشاميين
وكل ما اقعد ف مكان احصل بنات يجوا يسألوني عن سالفة الطلاق أو يقولون شفناه أو شفنى هله أو ووووو
وأنا كم مرة اقولهم الله يسعده .. ما اريد اعرف عنه شي
يفكرون اني زعلانه منه!!!
واني و الله مب زعلانه لأنه الحين ولا شي بالنسبة لي عشان افرح منه أو ازعل..
الله يهديهم ..
طولت عليكم و السموحة من اختي صاحبة المشكله
لكن لما تشوفي مصايب غيريج تهون عليج مصيبتج
[blink]و الله يسهل عليج يارب .. ويعوضج باللي يحبج ويقدرج ويحطج ف وسط عيونه الثنتين [/blink]...
|
اختي العزيزه al ameer
اعانك الله في ماانتي فيه ورزقك الله بخير منه
البعض يتزوج ويضع مقايس (عارضات الازياء) ويبدا ينظر لبنات الناس بنظره دونية وكان مافي الدنيا الا هو- نظره غرور وتعالي وكانه متفضل على البنت حين تزوجها--مساله انه تزوج غصب عنه هاذي على القول الدارج (كثر منها) لان مافي احد يتزوج (غصب عنه) لكن الاخ في باله شي يبي يوصله -- بكيفه الله يهنيه بس بنات الناس (مو) لعبه ياخذ وحده ويطلقها علشان (سمرا)---وين الاخلاق وجمال الروح والدين -----الانسان ياختي حينما يعجبه شي وهو في (منتهى الجمال) ويشتريه ,بعد مرور الايام ينسى جماله --تدرين ليش--لان الجمال جمال الروح--هو الجمال المتجدد--خفه الظل وماادراك--الانسان الي زي كذا يسمونه عاده (دلوعه امه) لان ليس له عذر ان (يطلق) بحجه (السمار) لانه ممكن يتزوج من اخرى اذا كان يبحث عن (بياض الثلج) بس الطلاق هذا ظلم واجحاف بحق المراه اذا كان بدون سبب
اختي العزيزه بعض الرجال (يبكى عليه) اذا راح من قبل المطلقات لانهم يدرون بحجم غلطهم
وبعض الرجال (يندق اصبع) على فرقاه لانه (ذكر) اكثر من كونه (رجل)
وتذكري ان هنالك نصيب قد قدره الله لك وعليك بالدعاء والالتفاف لحياتك والابتسامه فالحياه نعيشها مره وحده فقط فعيشيها كما تستحقين ولاتذرفين دموعك على من لايستحق
ولاتهربي من مواجهه ام زوجك السابق بل بالعكس ابدي لها الابتسامه وكانك انتي وياها اصدقاء من زمان
(شلونك ياخاله وشلون ايامك وشلون العيال والبنات) انشاء الله تمام---كان ماصار بينكم شي--واذا جابت موضوعه --ابتسامه صفراء---وكانها ذاكره شي عادي --يعني وحده تطري ولدها قدامك--وصدقيني الناس اذا يشوفون ثقتك في نفسك عاليه تبدا العين عليك
والله يوفق ويسعدك
والسلام ختام
اخوك
__________________
[poem font="Arabic Transparent,5,darkblue,bold,normal" bkcolor="transparent" bkimage="http://www.66n.com/forums/images/toolbox/backgrounds/1.gif" border="double,4," type=0 line=1 align=center use=ex num="0,black"]
يا حادي الركب في درب العلا شــــرُفتْ بك المـعــالي ودرب الدين مــتصلُ
ســر في رحاب إلى الرحمن ما بقــيتْ بك الســـنين وما أبقى بك الأجـــل
ســر واطرح كل أرزاء الهـــــوى فلنا يلوحُ في سـبسب الديجــورة الأمـــلُ[/poem]