الله يعينج ويعيني ويعين الجميع ...

انا الحين بعد بتطلق للاسف... وزوجي ظلمني وايد .. والحين انا على ابواب الطلاق بس مو قادرة انساه .. مادري ليش ؟؟!! غلطت علي وايد وعلى اهلي بعد ... والحين بديت اشك انه مغصوب علي..

لكنني الحمدلله خططت لحياتي قدام .. من غيره طبعا!! .. ان شاء الله بكمل دراستي.. الي وقفتها بسبب الزواج .. وبربي بنتي نفس ماتربيت انا .. على الطاعه والاخلاق.. وبخليها اتشوف الدنيا وردية وحلوة .. ومابخليها اتحس بالفراغ.. ان شاء الله ..
وبعدها بشتغل ان شاء الله.. وكل مايطري على بالي زوجي المصون .. بتذكر الايام السود الي قضيتها معاه .. وبتذكر كلامه الي كان كله وهم وكذب.. وبكمل حياتي بدونه!! ... واذا يبي يشوف بنته مع اني اشك انه يحبها .. مابحرمه منها.. ولا بتكلم فيه عند بنتي بشي مو زين .. بمدحه على شان اتشد الظهر فيه حتى لو كان مو كفو ..

وبتقرب من الله اكثر واكثر.. وبشتكي له ..

وان شاء الله ربي يعوضني ويعوضج احسن من الي فات ..

ونصيحتي لج لا تقعدين بروحج كله خليح مع اهلج لا تنعزلين عنهم .. عشان مايصير لج مجال اتفكرين في طليقج ..

يمكن لما تطلعين واتشوف كل وحدة مع زوجها يحز في خاطرج شوي (لان هذا الي يصير لي مرات واقول ماشاء الله .. ربي يهنيهم) .. بس كلن ياخذ نصيبه ..
اسفة على الاطاله .. بس حتى انا الذكريات اتطاردني..

دمتي بود .. يالغلا ...

"ام وداد"

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...