هلا يااختي REMANY.
تعالي اقولك قصه واقعيه حدثت في بيتنا.
عندي اختي الكبيره تاخرت في الزواج ولم تكن مثل باقي اخواتي من ناحية ((الجمال))
وكل ماتقدم خاطب لاخواتي الاخريات كان الوالد يرفض ويقول دايما مستحيل ازوج اي وحده منهم
قبل الكبيره .
المهم اثناء دراستي في الخارج اتصلت علي الوالده وذكرتلي بانه اختك انخطبت (( والله اذكر هذاك اليوم بكل تفاصيله)) فسالت عن العريس وطلع مو من قبيلتنا وتقوم الدنيا عندي واكسر الجوال خصوصا يمكن الكثير منكم يعرفني هنا اعصب بسرررررررعه وافقد اعصابي في كثير من الاحيان.
طبعا الخاطب ايضا هو قبيلي وقبيلتنا وقبيلتهم لايقل قدر احدهما عن الاخرى باعين انفسنا على الاقل (القبيلتين).
4 شهور مااكلم اهلي ابدا ابدا...لكن السبب الوحيد اللي يخليني اكلم اخوي الصغير هو الفلوس
كنت في الغربه ومفلس ومصاريف جامعه وغيره((وكنت اقولهم دين دين....على اساس هم مو اهلي ومتبري منهم انا))
بعدها جاء عمي على البلاد اللي انا فيها وانا احترم هذا الرجل كثير كثيررررررر وترجاني بان انهي هذي القطيعه مع اهلي واني مقبل على موسم اجازه ولازم ارجع.
طبعا كلمت ابوي وامي واخوي الكبير وهم طبعا كانوا دول المواجهه في وقتها او دول الضد..والخلاف كان بيني وبينهم في وقتها.
واتفقنا بعد مااخلص الكورس الصيفي اني ازورهم بس بدون مااشوف زوج اختي هذا ..ولا يجي المجلس
طول ماانا موجود في الاجازه..(وقلت لهم بالحرف مابغى اشوف رقعة وجهه)
تمت الصفقه..وبينما انا في الكورس الصيفي..جاء نصيب اختي الثانيه..وبعدها بشهرين جاء نصيب اختي الثالثه والاخيره..والله على مااقول شهيد..بظرف 4 شهور فقط.
طبعا انا فرحت لهم وخصوصا انه العرسان من قبيلتنا وناس اعرفهم زين واعرف معدنهم.
رجعت للملكه في الاجازه وجلست شهر ونص وشفت اختي المتزوجه وكانت تبكي تبغاني اسلم على زوجها وكنت ارفض واروح على بيوت خواتي الثانيات وعلى عزايم ازواجهم وهذاك مسويله ((IGNOR( كانه مو وجود.
رجعت للدراسه هناك ورجعت للملكه باجازة نصف السنه وماشفت زوج اختي الكبيره ورجعت للدراسه وكان اخر كورس لي وبعد الكورس الصيفي رحعت رجعه نهائيه للمملكه . وكان في وقتها اختي الكبيره رزقت بطفله ...وصار اجتماع كبير في احد المجالس واذا بشخص يسلم علي وياخذني على طرف وبعدها عرفني بنفسه مع اني اعرفه او سمعت فيه من اول..صار كلام كثير كثيرررررررررر كثيررررررررر بيني وبينه
كان عذب في نقاشه وراقي في تعامله دين تبارك الله... خلق عالي..لطف ولباقه..وكان كل همه ينقذ زوجته ((اللي هي اختي)) من شي واحد اسمه القطيعه..والتفكير اللي ادى بها الى المرض احيانا..وعلى فكره فيه اخواني اكبر مني بس انا الوحيد اللي كنت معارض هذا الزواج. المهم بعدها طلعنا بسيارته ورحت على اختي هناك في بيتها ((وكانت اول مره ازورها في بيتها)) وكان هذاك يوم عظيم ودموع اختي وحتى انا مامسكت نفسي..!!! قسيت على اختي كثيررررررررررررر كثيررررررررر وعلى اهلي وعلى نفسي ...!!!
وعلشان ايش؟؟ علشان هو من قبيله ثانيه؟؟؟ التخلف والتعصب ركب راسي..!! بحيث لم ارى اشرف وانقى دم من قبيلتي...لادراستي ولا ثقافتي ولا سفراتي حاولت تزيح هذا الجهل والتخلف الذي عشعش في راسي...زعله ماكان له داعي ؟؟ والسبب الاكبر بان هذا الزوج اللي ماهو من قبيلتي افضل بمراحل من ازواج اخواتي الاثنين (وفي كلهم خير ان شاء الله) ولكن احس انه الاميز وخصوصا دينيا.
اختي الان فرحه بزواجها بعدما خيم عليها شبح العنوسه ولديها طفله صغيره..واقسم انه حتى لون بشرتها تغير...واصبح جمالها الشكلي بجمال حياتها الحاليه..اسال الله ان يديمها عليها وزوجها ويفوفقهم ان شاء الله.
انا اسف على الاطاله وسرد هذه القصه ولكن والله هذا ماحصل..وكل مااذكر تصرفي السطحي اللامسؤول
تجاه زواج اختي..اعرف مدى تفاهتي وسطحيتي وجهلي.
وكنت دايما اطرح سؤال على نفسي؟؟؟ لو لم تتزوج اختي الكبيره من هذا الشاب؟؟
النتائج هي
1- اختي الكبيره راح تعنس
2-خواتي الثانيات راح يطاردهم شبح العنوسه.
يحضرني شي ثاني له صله باالموضوع كثرت هذه الايام ان الاب يخطب لابنته؟؟ لو كنت بالعقليه السابقه
كان انتقد هذا النوع من الاباء..لكن الان بالعكس والله تغيرتي نظرتي جذريا.
وثق ايها الشاب لم يختارك هذا الاب واخذك على زوايه منفردا ليخطبك لابنته..الا لانك تستحق فلا تخيب ظنه؟؟؟؟
__________________
التعديل الأخير تم بواسطة الميترو ; 21-06-2007 الساعة 08:43 AM