إخواني وأخواتي الفضلاء
فيه موقف حصل نسيت أقولكم عليه ...
زوجتي هذه لها خال آخر مقيم في نفس البلد ال يعمل فيه أبوها ...
هذا الخال تقريبا هو أكثر واحد في عيلتهم بحس براحة وأنا بتكلم معاه ...
حتى والدي طلع يعرف هذا الخال من زمان وتعامل معاه قبل كده وقالي إنه أفضل واحد في عيلتهم ...
وفعلا من ساعة ما كتبت كتابي على البنت هو أكثر واحد يتصل بيه من أخوالها ويدعيلنا بالخير ويوصيني على البنت ...
حتى لما حصلت المشاكل بعتلي رسالة "أسأل الله أن يجمع بينكما على خير ويرزقكما الذرية الصالحة" ...
المهم كان بعتلي رسالة إنه تعبان ...
فأنا اتصلت بيه اسلم عليه وعرفت انه عمل عملية فهنأته بالنجاح ... ولقيته بيقولي أنا عايز اتكلم معاك مكالمة طويلة شوية ... لكن خلينا نتكلم من خلال الإنترنت عشان ناخد وقت براحتنا بدال المكالمات الدولية...
قالي يناسبك امته ... قلتله يوم السبت ... النهاردة يعني
قالي خلاص نتكلم مساء السبت ...
صراحة أنا محتار ومش عارف هيكلمني في ايه ...
هل هيكون اتعدى من عيلتهم يقعد يكرر نفس الكلام ويقولي الطلاق بسرعة خير واحسن ...
ولا هيحاول يسمع وجهة نظري ويحاول يساهم في موضوع الإصلاح ...
ولا هيلغي الكلام وميتصلش من اساسه
أنا محتار جدا لو تكلم في النقطة الأولى هكون مضطر أرد عليه بحزم ومش عايز اخسره فهو نعم الرجل ...
ولو اتكلم في النقطة الثانية ... لا أعلم هل سيستطيع فعلا أن يساهم في الإصلاح وهل العيلة هتسمع كلامه -هو أصغر واحد في عيلته في السن-
ياريت إخواني تنصحوني ...
__________________
[gdwl]
أحبها صالحةً * تسمو بها ذريتي
أحبها أمينةً * تحفظني في غيبتي
أحبها حكيمةً * تجهمني في أزمتي
أحبها مخلصةً * تهب لي في نجدتي
أحبها تحل لي * مشاكلي ببسمتي
أحبها تمنحني * دفئاً يزيل وحشتي
أحبها قنوعةً * ترضى بأكل كسرتي
أحبها كريمةً * تعطي بدون منةِ
أحبها شريفةً * تكره كل ريبةِ
أحبها تعمل بالقران بل والسنةِ
[/gdwl]