السلام عليكم

وليش صابرة ؟؟؟ وعلى شو صابرة ؟؟ وعشان منو صابرة .. ؟ مافي داعي تصبر.. بالعادة المراة تصبر على زوجها اذا فيه عيوب بسيطة المراة تقدر تتعايش معاها وتتكيف.. وتصبر عشان اتعيش حياة مستقرة .. وتصبر على اولادها.. بس هي حتى اولادها تعبوا نفسيا من الي يشوفونه ..

ولازم تدخل اخوانها ولا ابوها .. لازم رجل له كلمة يدخل ويحسس زوجها بان وراها اهل....
لازم يعرف ان وراها عزوة .. سكتت وصبرت وجابت منه ولدين .. لازم حد يدخل... قبل ماتجيب غيرهم ..
ويتعذبون نفسيا من هالاب.. الي اسمه أب.. بالاسم بس..

واذا مافي فايدة ... فالطلاق ارحم ...

ارحم لها .. وارحم لأولادها...
وارحم لكم انتو اهلها ..

أولادها مابيرضون يشوفون امهم تنذل وتنهان بهالطريقه ...
والناس مامنهم فايدة .. شفيها المطلقه .. ماختارت الطلاق الا لان حياتها كانت تعيسة وهي متزوجة .. مرحلة مابعد الطلاق بشوي متعبه .. بس بعدين بتنفتح ان شاء الله للحياة.. واتعرف قيمة الحياة ..
بتحس بانها طلعت من الظلمات الى النور..

الله يعينها ويهون عليها .. ويفرج همها.. وان شاء الله اتكون مشكلتها قابله للحل.. واتردون اتشوفون اختكم بخير وعافيه .. وسعيدة بحياتها سواء مع زوجها ولا بدونه ...

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...