السلام عليكم
اولا يا اخت جوري هل تعالجين الغلط بالغلط ؟؟؟
ثانيا هل تريدين ان تخربي بيتك بيدك ؟؟
ثالثا هل من حقك ان تفتحي جوال زوجك وتفتشي فيه ؟؟
رابعا هل تتوقعين من زوجك بعد ان عملتي الللي عملتيه وياخذك بالاحضان ؟

وخامسا وسادسا ......... ؟

اختي العزيزه كان من الافضل لك من البدايه ان تصارحي زوجك بما يدور في بالك وتقولي له بانه موضع شك بالنسبه لك لان ما يقوم به واضحه تماما وبما انك زوجته وتغارين عليه وتحبينه فتقولي له ان يقطع علاقته فيها لانك اولا واخيرا زوجته وام اطفاله وتسالينه ما ذا سيكون رده ان كنتي انتي في نفس موقفه ؟؟؟

المهم الان كيف ترجعي زوجك لك
الرجال منا ليه يهرب من زوجته الى النت او الى علاقات اخرى؟
اقولها لك بكل صراحه لانه مل منها وما لقى فيها اللي لقاه في الفتاه الاخرى

اولا يبي لك ان تقوي الثقه بينك وبين زوجك اكثر تجلسين معاه تسولفين معاه في الاشياء اللي يحبها هو تهتمين في نفسك وتغيرين مكياجك وشعرك ولبسك وطريقة كلامك تعطينه من اهتمامك اكثر من اهتمامك في بيتك واطفالك حاولي تقدمي له هديه مثلا اطبخي له الاكلات الل يحبها حاولي ان تكسبي زوجك لا ان تنفريه منك حتى لو وجدتي منه نفور في البدايه مع مرور الوقت سوف يرجع لك لا تفتحي جواله وتفتشي فيه حتى اذا كنتي تعرفين انه لا زال مع علاقه بالفتاه الاخرى خلي صدرك وسيع ولا تتهوري لا تفتشي بعده في اي شي حتى في النت او في جيوبه اذا شفتيه يبي يطلع ومكشخ عطريه وادعي له انه يرجع لك سالم وعطيه بوسه قبل ما يطلع واذا رجع استقبليه بحراره تسبقها بوسه اذا شفتيه في النت قولي له تبي شي اخدمك بشي اصلح لك شاهي قهوه اي شي يبيه اتركيه لحاله بالنت لا تزعجينه اظهري له اهتمامك فيه بكثره اي شي يقوله لك قولي سم ابشر قولي له انك تحبينه باستمرار وانك مرتاحه انه جالس معاك بالبيت اذا كان عندك شغاله بالبيت وتهتم في زوجك قولي للشغاله تترك مهمة الاهتمام بزوجك لك يعني ببساطه سوي له اللي يريحه ولا تحاولي انك تعاندينه او تعصينه او تقولي له انه يعرف وحده غيرك خليه براحته لين هو يرجع لك وانا متاكد من كلامي ولا تحاولي تطلعي مشاكلك برا بيت الزوجيه لانك انتي اللي بتخسري جواله اتركيه لاتقربيه ولا تسالي من اتصل عليه ولا من ارسل له خلى الامور هاديه جدا حاولي تكسبيه اكثر لكن ابتعدي عن اللي يعصبه ويهيجه وعليك بالصبر والدعاء له بالصلاح

حاولي تهدئة الامور الحين والله يوفقك واصبري عليه وان شاء الله نسمع انه رجع لك ولا تيأسي منه واحنا بخدمتك اي وقت

تحياتي لك