السلام عليكم..
اخواني أعضاء المنتدى..
أنا في حااااااااالة الآن لايعلم بها إلا الله..!
توني تأكدت إن الأرقام اللي بجوال زوجي..
وهم رقمين تقريبا أو ثلاث..!
اثنين منهم لوحدة والثااااااالث ياعالم لمين وأنا حاااااااسه إن له ارتباط بالأولة..!
والأخير معه رقم ثابت مصدره جدة..!
وأنا هاليومين صايرة أصدق ظنوني بشكل مو طبيعي لأنها للأسف كلها تصدق..
لدرجة إني تعقدت ..!
أحاااااااااول كذا مرة أبرر له بالزين وأقول إن شاء الله عقل..!
مثلا..!
الخميس والجمعة اللي فاتوا..
واللي قبلهم ماصار فيهم أي اتصال
ماتتخيلون وشلون صرت أدور له عذر علشان ماتهتز صورتة بعيني..
يعني كأني ألعب على نفسي بس حتى أقتنع..
المهم يوم ماشفت فيهم أي اتصال في الخميس والجمعة على التوالي ..
علما بأني كنت رايحه لأهلي الخميس يعني الجو فاضي له..!
قلت في نفسي يمكن يابنت مو من ذيك العلاقات الغرامية..
يمكن ويمكن ويمكن..!
وأتفاجأ
إنه اليوم من طلع للدوام وهو يتصل فيها..!
اتصالات كرموز ماوصلت لثواني أطولها نص دقيقة..!
وأنا بديت أحس إن هالعلاقة من قبل زواجنا..!
يانااااااااااااااااااااااااااااااااااااااس..!
تعبت وأنا جالسة أعيش بتمثيل قدامه أحاول إني أكون قدامه طبيعية اذا شفته هدا هديت واذا شفت
الارقام رجعت مرة ثانية انقلب حااااااالي من جديد..
وخاااااايفه من مصارحته لأني أخاف تنهي كل شئ بيننا..!
وبنفس الوقت تعبت وأنا جالسه آكل في نفسي أخاف بكرة يجيني شئ من الهم..!
تدرون..!
يعلم الله إني من يوم دريت إنه يمكن مايجيه عيال وهذا من الأشهر الأولى من الزواج لأن الحيوانات المنوية
في كل التقارير عنده صفر..
نتيجة خطأ طبي بعملية سواها وهو صغير..
أثرت عليه..
وأنا من يومها وأنا محتسبه وعندي أمل كبير إن الله ماراح يخلينا..
وأشوفه عندي أحسن الناس..!
لكن عقب ذا الموضوع بديت أفكر بأشياء كثيرة..
وأقووووول وش يصبرني على واحد هذي علومه ألحق عمري أحسن لي..!
وخله هو مع هالتليفونات..
آآآآآآآآآآآآآآه ياليته كان أقشر وإلا قاسي علي كان القرار أهون..!
بس أنا مازلت أبيه وأحبه وأنااااااااااا عارفه قدري عنده..
وبنفس الوقت حاااااااسه إن ردت فعله لو صارحته بتجي قوية..!
مدري ليه..
أرجوكم ردوا علي لأني قربت أنفجر..!
والهم هدني..!
أبي شوركم في أقرب فرصة
منتظره ردودكم على أحر من الجمر..
مالي إلا الله ثم أنتم..!
التعديل الأخير تم بواسطة سراب الطيف ; 30-06-2007 الساعة 06:31 PM