السلام عليكم ورحمة الله وبركاته
اخي الفاضل\\ حفظك المولى انت واسرتك من كل مكروه
اخي قبل ماترفض
انا راح اقول ايش تعمل
تاخذها بيوم انت وهي وتطلعوا بالسياره
وتشتري لها ايس كريم وتجلس انت وهي تاكلوا وتدردشوا
بعدين افتح معاها الموضوع بكل هدوء
1_ يابنتي ياحبيتي قبل كم يوم عرضتي لك طلب بشراء جوال ،، صح؟؟؟
يابنتي انا مو معترض على الفكره وان شاء الله بأجيب لك الجوال واحسن جوال كمان
بس
يابنتي
1_ انت في ايش محتاجه الجوال؟؟؟ <<<< شوف ردها اذا مقنع
2_ يابنتي انت متى تحتاجي الجوال ؟؟ لما تطلعي من البيت وانت اغلب الوقت تطلعي معانا
3_ يابنتي وحبيبتي السنه الجايه اولى ثانوي ان شاء الله وموادها كثير
اذا جبتي لي الترم الاول من العشر الاوائلراح اجيب لك الشريحه بس من غير جهاز والترم اللي بعده راح اجيب لك الجهاز.
4_ الجهاز راح يكون طول الوقت بالبيت مقفل وعندي ومارح ينفتح الا اذا طلعتي من البيت
ومن هذا الكلام
يعني لاتعطيها الجواب الشافي ولا توفر لها الجهاز بسرعه البين تتأكد
يعني ماطل معاها وقول لها افكر في الموضوع
وحط لها شروط
وبعدين اذا طلعت لها الشريحه
طلع لها شريحه الاهل والاصدقاء
وحدد لها حد اتماني محدد
يعني حط لها شروط وقوانين في استعمال الجوال
اخي انا مامسكت جوال الا لما دخلت الجامعه ولأحتياجي له
وهذول بنات اختي الاثنين لهم سنين وكل صحباتهم عندهم جوالات
بنت اختي السنه هذي انتهت من الثانويه العامه ودوبنا جالسين نفكر بشراء الجوال او لأ
لأن جالسين ننتظر دخولها الجامعه او السفر للخارج
واختها الثانيه بنفس سن بنتك الله يحفظهم ويبعدهم عن عيال الحرام
نفس الشي طالبه جوال
ولكن اختي وزوجها رافضين الفكره تماما ان يستلموا جوالات قبل ماينتهوا من الثانوي
وخلاص البنات استسلموا للموضوع
لأن بصراحه اذا البنات بسم الله عليهم مابيطلعوا الا معاكم او مع امهم يعني مايحتاج الموضوع
وبعدين
اذا اشتريت الجهاز
لاتشتري لا كميرا ولا بلوتوث
وقول لها اذا اشتريت لك الجهاز
ترى مافيه لاكميرا ولا بلوتوث
يعني مااااااااااااطل فيها وكرها في الجوال
وانتبه انتبه اخوي من الجوالات الله يرضا عليك
البنت عجينه لينه سهل ينخدع عليها
والبنت لسه تحت جناحك لسه مافقست من البيضه عشان تفرض سيطرتها عليك
اهم شي اخوي
1_ خذ الموضوع برحابة صدر وانك مو رافض الفكره بس تفكر وان عندك شروط
2_ لاترفض بعصبيه وتنهرها لالا خليك هادي وفهمها ووعيها عن مشاكل الجوال
3_ بين لها تأخيرك في تنفيذ الطلب بسبب انك تحبها وخايف عليها
يعني اغسل مخها بكم كلمه حلوه
والله يخليها لك ويقر عينك بصلاحها هي واخوتها وبرهم فيك
سامحني طولت عليك
الله يوفقكم وينور بصيرتكم
__________________
لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني
إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا