صدقو ..
باين عليك خلاص..تقول الله يصبر زوجتي؟
من جد لييش اجل حاط الموضوع..
انا قصدت بالانانية يا اخي الي قالوه الاعضاء..وهو:
انك وضحت عيوبها بس وعيوها وعيوبها
انت ما قلت شي عنك الا انك عصبي شوي ولا بالعصبيه سببها تصرفاتها بعد..
هنا الانانيه التفكير بالنفس فقط ورغباتها لدرجه انك مب مناظر ان فيك اي شي ومناظر بس انت ايش ترغب وايش تحب...
زائد انه كل التفكير يكون وين سعادتك ووين راحتك وانك"انت " تبي تغيير."انت " تابي جنس."انت " تبي راحه... لاحظ كم كلمة "انت" قلتها... كله تفكير في الذات
بينما "انت" تتمتع..هي في بيتها غيرانه..وتشتاق لك في الفراش بينما انت مع اخرى..ما فكرت في"هي" وش شعورها..ما تقدر تضحي "برغباتك" عشانها.. ما فكرت بالدمعة الي بتطلع من عينها.. وانت حساس ورومانسي على قولتك..ما فكرت "بعيالك" لما يقولون وين بابا...لاحظ كان التفكير كله في "انت" وبس........هذا قصدي بالانانيه وليس شرع ربي...
وعلى فكره فيه كلمة قلتها" بسبب عنادها اصريت على الزواج من ثانيه"
اعذرني اخي الطيب..
ولكن هذي كلمة ليس لها اي معنى ووانك تبرر اصرارك بعناد زوجتك..
والرجال اكثرهم بيقولون تزوج ثانيه تزوج ثانيه.. لانهم هم ودهم كذا وانتم يالرجال كل واحد يحرض الثاني..
ملاحظه انك ماخذت الا بالناس الي يقولون لك تزوج لانك ببالك تبي هالشي..ولا ركزت بالاشياء المرعبة وراء الزواج الثاني الي ذكرها بعض الاعضاء
العوانس فيه مليون رجال قاعد ببيته يلعب ومب فاضي للزواج ...
المشكله ان الرجال اكثرهم بعد صاروا مب راعين زواج..مب الحل الوحيد للعنوسه هو الزواج من ثنتين..بل تحريك هالشباب الي صار همه اللعب..ولا يتزوج
وليس كل تفكير الرجال جنس..تفكير الرجال الي غلبت عليه اهواءه هو كله جنس... الجنس موجود ولكنه ليس كل شي..صدقني انت داخلك مخلي الجنس يسيطر عليك لو تبتعد عن وسائل الفتنه من سفر وتلفاز ..وتتقرب لربي كان هدت نفسك..ولكن الواضح عليك انت راغب بالشي ذا..
ويوضح انك حاط الموضوع عشان تفتك من تانيب الضمير اذا لقيت احد مشجع لك..اسفه اخوي ترى مب قصدي ازعلك بس هذا شي شفته..
كيفك اذا تبي تتزوج انت رجل حر وعاقل وتعرف مافيه الخير لنفسك..حنا مجرد اخوانك بالاسلام وننصحك... ولكن فكر في كل الامور وكل الزوايا وليس متعه اول شهر ومتعة الجنس فيه والتجدد والوناسه..فكر بالمشاكل
ولا تندم بعد مايفوت الاوان..
اعانك الله وستر دينك واهللك...
واهدى سريرتك لكل ما فيه خير..
التعديل الأخير تم بواسطة همسة ملاك ; 24-03-2004 الساعة 04:23 PM