المشاركة الأصلية كتبت بواسطة al ameer
أولا .. ودائما
أوصي الجميع بطاعته لوالديهم .. حتى ولوا كانوا أساؤا إليهم .. فالله تعالى أمر بطاعة الوالدين ولو كانوا كافرين ...وهذا أمر نعرفه جميعا ... ولا مجال للمناقشة فيه
أما ثانيا :
ذكرتني .. بقصة حكالنا إياها المدرس اللي يدرسنا "نظري الليسن".. كان يتكلم عن الاباء ودورهم في تنشئة مجتمع ملئ بالحوادث <<قيادة سيارات شو تتوقعون؟؟
المهم .. قال إن أخوه اللي أصغر عنه كان يحب تجارة السيارات .. وكان يشتغل فيها من كان عمره 18 سنة .. وكان ناوي يكمل تعليمه على اساس تجارة .. لكن أبوه منعه وقال لازم تدخل هندسة اتصالات .. قعد يقنع أبوه لين ما طفر.. وقرر إنه يطيع أبوه .. درس هذيك الخمس سنين .. وخلصهم ويوم تخرج كلهم فرحانين ويباركوله لكن هو ما حس بطعم النجاح .. وعطى أبوه الشهادة .. وقاله إنا أخذت الشهادة و الله أعلم بنيتي إني أريد بس أرضيك وما أريد أعصيك أبدا .. و الحين أخذت الشهادة وانت فرحت .. خليني الحين أفرح وأكمل تجارتي اللي أحبها.. وفعلا حط الشهادة في الكبت وراح اشتغل في التجارة وربحة للحين أكبر من ربح جميع أخوانه اللي دخلوا طب وهندسة وواللي درس برى وووو وطبعا كلهم على رغبة الوالد
وقصة ثانية المرشده الاجتماعية في جامعة الشباب .. قالت لنا نفس القصة تقريبا بس الفرق إن هذاك يوم خلص دراسته عطى أبوه الشهادة اللي أخذها بامتياز مع مرتبه الشرف!! في صندوق مزين .. وقاله الحين أنا ببدأ أدرس .. لأني أول ما كنت أدرس ولا حسيت إني درست .. وفعلا عاد الجامعة مرة ثانية ودخلها بالتحصص اللي يريده ..وأخذ الشهادة مرة ثانية بامتياز مع مرتبه الشرف!!! وبدأ شغله وهو أرضى والده وأرضى نفسه
لكن تعال شوف القصتين .. اثنيناتهم ضيعوا من عمرهم الكثير كان في إمكانهم إنهم يخلصوا الدراسة ويتزوجوا لا ويخلفوا بعد !!!
الله يهدي جميع الاباء والامهات اللي يضغطون على عيالهم ... أكيد هو غلط مع ولده لكن أكييييييييييييد هو كان يعتقد إن هذا الانسب له .. وخير الخطائين التوابون...
وأنا أعرف واحد شخصيا .. كان قبل ما يعطي زوجته المصروف يروح يستشير أمه !!! << أما هذا حمار مع مرتبه الشرف..
وكل خطوة يخطوها ..ماما وماما ... .. وأنا ما أعترض طاعة الوالدين *******أبدا*******.. لكن الزوجة تريد أن تشعر بأن زوجها رجل .. ولديه الشخصية بأن يختار -حتى - توافه الامور!!!
و الحمد لله إن أهلي عمرهم في حياتهم ما ضغطوا علي إني أختار أي تخصص أو أي قسم أو أي شي ف حياتي ... لكن كانوا مثال راااااااااااااااااائع أحسد عليه ... بصراحة
الله يحفظ الوالده ويطول عمرها ويرحم الوالد ويغفر له .. اللهم آمين
السموووووووووووووحة طولت عليك...
جزاك الله كل الخير على الموضوع
|