ههه يا حليلك ،، ايه والله الكلام مجانا ما عليه جمارك..

نعود لموضوعك...

والله يا اخي وضعك صعب شوي خصوصا انه مافي اتصال مباشر بينك وبين خطيبتك عشان تعرف رايها وطريقة تفكيرها..

انت قلت انه اهلك يعرفوا اهلها من زمان يعني اهلها يعرفوا وضعكم المادي ولما قبلوك اكيد حطوا هذي النقطه بعين الاعتبار.

انت خايف من المقارنات فانا اقولك هذا شر لابد منه ،، مو بس بمسالة الوضع المادي لكن في كل شيء يحصل مقارنات وهذا شي طبيعي خصوصا اذا اتزوجوا اختين بنفس الوقت ،، وعلى اي حال كل انسان له عيوبه وميزاته وخطيب اختها اكيد فيه عيوب وميزات وانت فيك عيوب وميزات وهكذا..

شوف اقولك نصيحه من اخت لاخوها؟
تبغى تملك البنت؟ تبغى تنسيها الوضع المادي وتخليها تحس انها اسعد انسانه بالدنيا؟

السر هو : المعامله الحسنه، الاحترام الاحترام الاحترام، اعطيها حقوقها كامله مكمله واصحك اصحك تخليها تنام في يوم ودمعتها على خدها لانه في هذا الوقت هي رح تبدا تقارن وتستجيب لمقارنة الناس..

بالنسبه لشهر العسل تقدر تروح ماليزيا روح اي مكتب سفريات ووقوله ميزانيتك كم وهو يرتبلك رحله على قد فلوسك...

توكل على الله وربنا رح يعينك..

اتمنالك التوفيق في حياتك.

__________________