تعرفين اختي هالسن يصير بجسم الانسان تغيرات

لانتقال من مرحله لمرحله

و مرات تؤدي للانطواء و ممكن نتيجه للخجل
الواحد يغطي على مشاعره بالاكل و القعده

و العراقيين قصتهم قصه ويا التمن الدومله و البرياني

و المقالي و الكبب و و العروق و البتيته شاب
وقائمه طويله ما تخلص من الطراشي و العمبه

هاي غير النساتل و الايس كريم و الكليجه و الكيكات

و المشروبات الغازيه و الشكر بالشاي و القهوه


شايفه بعدني ما بديت وهاي القائمه من الاكلات الي العراقيين عايشين عليها

اهم خطوه حتى تخلص من التعب و وصفات الرجيم الي تزهق

تقطع التمن
ما بيه فايده وينفخ و يسوي كرش
و بطن وهيه بعدها بنيه باول الطريق

اني بطلت التمن و الحمد لله خلصت

اول شي ما كنت اتخيل اني اقدر اعيش بليا تمن
بس اسهل منه ماكو
اذا رادت تاكل اي شي

بيدها قطعه خبز اسمر او حتى عادي ربع رغيف
و بخاشوقه او الشوكه
تاكل المرقه و السلطه و اي شي تريده
حتى البرياني تقدر تاكل الحشو و الدجاج و تترك التمن ويا السلطه

و تاكل رقي هسه عدكم صيف و مليان و عنب
مدرر طبيعي و احسن من البارد يطفي العطش
و تشرب ماي او لبن شنينه

و شوفي اذا ما صارت حركتها سريعه و خلصت من كل الثقل والدم يمشي بوجها
و تصير احلى بنيه و الخطاب بعد ما تلحقون عليهم


الله ييسر الكم اموركم وتفرحون بيها

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)