منتدى عالم الأسرة والمجتمع - عرض مشاركة واحدة - نظره في جمال البنات...بين الحلم الكبير..والواقع المرير!!!

08-07-2007, 01:57 PM

fgfsfdfssd

موقوف

تاريخ التسجيل: Oct 2006

المشاركات: 247

اممممممم ..

الصراحة أنا معاك من ناحية أن البنت الجميلة يمشي سوقها ..صح ..

لكن مو معك ابداااااااا ان الولد (الجيكر )على حد تعبيرك ..يمشي سوقه ..

أنا كنت مخطوبة وطلبت الانفصال عن خطيبي لأني ماتقبلت شكله بالمرة ..ولما حاولت أضغط على نفسي علشان ماأجرح مشاعره صار الانفصال لسبب ثاني .!!!والحمد لله ماجرحته ولابينت له

أنا من وجهة نظري أقول الجمال مطلوب وإذا ماكان علىالأقل القبول ..

وهذا شرط في الطرفين ..

ييعني أنا مثلا ماعتبر نفسي جميلة ..

لكني مقبولة ..فيني مقاييس جمالية ..وفيني عيوب أيضاً ..

انخطب كثير ومايصير نصيب

ومن بين كل الخطوبات اللي فشلت ..

وحدة بس كانت بسبب ( نحافتي الزايدة) الولد كان يبي وحدة مليانة ..!!!

وانا الصراحة لو تقدم لي واحد فيه كل لمواصفات الزينة بس ماتقبلت شكله مستحيييييييييييل أوافق

انا مابي واحد وسيم ..أو أحلى مني ..لا

بس على الأقل يناسبني أو أتقبل شكله ولأتم أعيش عقدة النص طول عمري أو أعيش معاه تعبانه

واذا رفضني واحد بسبب شي في شكلي مو عاجبه

اتقبلها برحابة صدر ولا ياخذني وهو مو مقتنع فيني بعدين يطلقني أو يتم يعايرني طول العمر

وعلى فكرة احنا لماخطبنا لاخواني أقل واحد فيهم وسامة هو اللي اشترط الجميله ..

وأوسم واحد فيهم زوجته مافيها ذرة جمال لأنه ماشترط الجميلة ..

حتى والله ياكثر تعليقات الناس قالوا حرام خطبتوا له هذي ..هو كثير أحلىىىىىىىى منها ..

بس ماشاء الله هذا هم عايشين مرتاحين ويحبها ويموت فيها

وأعرف أخو صديقتي تقول تشرط في الجمال كثير ومالقينا مواصفاته

وآخرته شاف وحدة عكس مواصفاته بالضبط ..قال بس هذي هي أبيهااااااااااا ..

ليش لأنه ارتاح لما شافها ..

عموما أنتو ل لا تبالغون في مواصفاتكم الخيالية وانزلوا لأرض الواقع

ولاتكثرون من شوفة الفيديو كليبات ..

وناظروا في المناظر زين ..قبل لا تناظرون في بنات العالم

واذا طالت سالفتك ..

ردد :يااااااااااااااااااليل..ماطولك