يا حبيبتي يا night
هدي نفسك و هدي أعصابك و أبداً لا تشكي في عوض الكريم
الله كريم و راح يعوضك على صبرك إن شاء الله بأحسن مما تتخيلين ،، لكن كنت بس عاوزة أقولك على شوية نقاط:
أمك ،، هي أمك مهما عملت و مهما قالت فهي أمك و واجب طاعتها و برها ما لم تأمرك بمعصية الخالق
أما عن الشباب و محادثتهم ، لا تعيري ذلك الشخص أدنى اهتمام لو كان إنسان يستاهلك ما كان راح دور على واحده أهم شئ فيها الشكل و المال ... احمدي الله على إنه نجاك من هذا الإنسان ، و لا تندمي على إنك ما تعرفتي على شباب أو تحسي إن اللي تعرفه على شباب عايشين عيشه هنية ،،، أبداً يا أختي ، صدقيني أي واحده تعرفت على شاب قبل الزواج فحياتها بعد الزواج صعبه جداً (إلا من رحم ربي و تاب عليهن) لأن بتدخل في مقارنات و تخيلات بتوصلها لعدم الرضا
لا تغتري بأن تلك الفتيات لا يشتكين ،، لأنه ياما البيوت بتداري ،، و خديها مني نصيحة لوجه الله و عن تجربة لبنات كتييييير حولي
اللي بيستحل شئ ربنا حرمه علشان مش قادر يصبر لغاية لما الحلال يجيله ،،، لما بيجيله الحلال بيجيله نقص الشئ اللي استمتع فيه في الحرام
بمعنى :: إن اللي استحل محارم الناس و تعرف على بنت علشان هيه بنت جميلة جداً (مثلاً) ، فلما ربنا يرزقه بزوجته في الحلال مش هيشوف فيها أي نوع من الجمال
و اللي تستحل التعارف على شاب علشان هو ليه مستقبل باهر و وظيفة مرموقة ،، لما ربنا يرزقها بالزوج الحلال مش ممكن هيكون بنفس الوضع اللي شافته مع الشخص الأول
و ده لأن الإنسان في الحالة الأولى شاف المميزات بس و لم يصطدم بالعيوب و في الحالة التانية بيصطدم بالمميزات و العيوب و بالتالي حتى لو كان الحلال أحسن من الحرام لكن في العقل الباطن بيحس إن الحرام كان أفضل
سبحان الله ده من تتابع اللعنات على المذنب (طبعاً إلا من تاب و أناب و قبلت توبته ،، لأن الله كريم و واسع المغفرة)
أختي اصبري و رابطي و احتسبي الأجر عند الله و تذكري قول الله تعالى
(إنما يوف الصابرون أجرهم بغير حساب)