زي ماقالت احد الاخوات كل الاسباب الي قلتها لا تنطيق علي

الا في شيء واحد :

وهو شيء طبيعي اني برفض الشخص اذا كان راتبه 3000 ريال لانه يادوب يعيشك هالايام
شيء طبيعي ارفض شخص صديق لشخص انا متاكدة ان اخلاقه موكويسه " المرء من قرينه يقتدي"
ومالله حادني اتزوج شخص ماهو كويس عشان ماصير عانس اقعد ببيت اهلي بكرامة ولا اجيب منه عيال ويزيد الهم والحمل


كيف تبي البنت تطلع للزواجات وتظهر نفسها لناس عشان يخطبونها اذا اهلها يمنعونها تروح زواجات صديقاتهم وتكون البنت محصورة بطلعاتها بس عند عماتها وخالاتها الي عيالهم اصغر من هالبنت


وش ذنب النت اذا اهلها مايزوجونها الا قبيلي " ان اكرمك عند الله اتقاكم"

مجتمعنا مجتمع منافق يؤومن بالله ولا يتبع بعض تعاليم الدين " لافرق بين عربي ولا اعجمي الا بالتقوى"

لكن مجتمعنا يحب المظاهر والفشخرة كأن الي بيعيش مع الزوج الاب مو بنته


وش ذنب البنت اذا اغلب الي يتقدمون لها مدخنين ويرفضون شرطها اذا قالت يترك التدخين

وش ذنب البنت اذا تقدم لها واحد وقعد يتشرط انها ماتكمل دراستها او تترك وظيفتها ؟؟؟؟؟؟؟


وش ذنب البنت اذا تقدم لها واحد شايب ورفضته؟؟؟؟؟؟؟؟؟؟


أنا اكرررررررره ويطيح من عيني الزوج الي يطلب زوجته فلووووووووس ولا يرجع يسددها
بنظري ماهو رجال مع احترامي لباقي الرجال
الحرمة مو مطلوبه تصرف على زوجها لو انها ملكة

اجل وش فايدة الزواج اذا انا اصرف على نفسي من راتبي وهو يصرف على نفسه وعايشين مع بعض
كأننا اصدقاء

وش ذنب الحرمة تدفع لزوجها فلوس وهو يتمتع واخرتها يتزوج عليها بفلوسها مو قهرررررررررررر


لكن انا معاك في بناااااااات يحطون شروط تعجيزية مثل انها تتزوج ملك او امير او يكون راتب الرجال 40 الف

طبعا هذي هي الي سببت لنفسها العنوسة

وشاكرة لك اخوي