منتدى عالم الأسرة والمجتمع - عرض مشاركة واحدة - نظره في جمال البنات...بين الحلم الكبير..والواقع المرير!!!

12-07-2007, 10:16 AM

#78

أم لسانين

عضو جديد

تاريخ التسجيل: Jul 2007

المشاركات: 23

ماسكة بطنها من كثرة الضحك

الله يهديك يالميترو !!

ما لقيت موضوع تتكلم فيه الا الجمال ؟؟؟

يعني ما تعرف انه من اكثر المواضيع حساسية بالنسبة لنا ؟؟

بعد موضوع السن طبعا

ياحليلك يالميترو

طحت في ها المنتدى ولا احد سمى عليك وانا اختك

الموووهم

يوم قريت موضوعك تذكرت جدتي الله يرحمها

كانت دايم تقول عبارتها المشهورة

(( لو ما يوخذ الا الزينات قعدن بنات الحمايل ))

وذكرتني بسالفة ..(ابراء للذمة مادري اذا هي حقيقية او تعليق)

يقولك هذا واحد جمييييييل بكل ما تحمل الكلمة من معنى

كانوا اهله يدورون له عروس وبكل اجتماع يسألون ما خبرتوا لنا بنت مزيونة

ولدنا مزيون ونبي له مزيونة

طبعا الولد معروف انه حلو ووسيم

لقوا له عروس وحددوا الموعد حجزوا القاعة

وجاء يوم الزواج

يوم الزواج كل الحريم متحمسين بيشوفون عروسة هالمزيون

هي مزيونة مثله او لا

يوم دخلوا العرسان للصالة وقت الزفة

تفاجاوا الحريم من اللي شافوا وقالوا

ووووووووووووووووووووووووووووووووع

العروس اغمى عليها يوم سمعتهم

مسكها العريس وقال لها ياحياتي قايل لك اقري وردك بس انتي الله يهديك

ما يستفاد من السالفة السابقة..::

ترى نظرتنا احنا يالبنات للجمال تختلف عن نظرة الرجال

يعني باختصار اطلع من محيط عائلتكم واخطب من ناس يسمحون بالنظرة الشرعية

وترىمن خلال جلوسي مع اخوي عند التلفزيون

لاحظت ان اللي انا اشوفها شييييييييييييينة اخوي يشوفها ملكة جمال والعكس

شوف اخوي

انا اتوقع والله اعلم ان الرجل ممكن يحكم على جمال بنات الناس من جمال اخوانهم

شوف واحد من اصدقاءك او معارفك حليو واسأل عن خواته واطلب النظرة الشرعية وصدقني

اذا ارتحت للبنت بتشوفها ملكة جمال

ولو هي فعلا ملكة جمال وما ارتحت لها بتشوفها مو عادية بس بتشوفها قبيحة

وبعدين مثل ما قالت وحده من الاخوات اذا البنت ملامحها عادية وتهتم في نفسهاواناقتهاصدقني بتكون ملكة جمال

احس اني كثرت الكلام وتعبت من الكتابة

الله يوفقك ويرزقك العروس اللي تملأ عينك وتشوفها ملكة جمال

وصــــــيـــــة

يا اخوات ارفقوا على الرجل ترى ما طلب الا حقه ....

ومهما كانت درجة جماله من حقه يتشرط ويطلب عروس حلوة

التعديل الأخير تم بواسطة أم لسانين ; 12-07-2007 الساعة 10:19 AM