المشاركة الأصلية كتبت بواسطة شذرات نور

ونعم الموضوع والطرح

وعندما نأتي نتكلم من جهه البنات

فلانة(1) يتصل بيها حبيبها : ألو هلا عيوني
الحبيب :........................
فلانة(1) الحمد لله بخير وأنت ياقلبي
الحبيب :......................
فلانة(1) آنه ماكنت أقدر أكلمك أمي كانت معاي في السيارة
وبعد مكالمة طويلة
أقولها فلانة من جد هذا الرجال الي تبين ترتبطين فيه؟؟
فلانة(1) يخسي ماعنده شغل وآنه أشحن له تليفونه وتبيني اتزوجه
آنه: طيب وكلمات الغزل التي تقولينها له والحب
فلانة(1) ههههه هذا بس جذي محسبته مثل أخوي
وبعد 4 سنوات من الحب والغرام تتزوج بغيره بكل سهولة

"""
فلانة(2) على المسنجر وعندها 3 شباب أون لاين
أقولها ليش 3 شباب ما يكفيك واحد؟؟!!
تقول لا كلهم أحتاج لهم
كييييف يعني؟؟
تقول : الأول أصغر مني يكسر خاطري أنصحه وأداري بالي عليه وفي نفس الوقت ظريف وينكت يغير علي الجو
الثاني بنفس عمري معي بالجامعة يشرح لي دروسي ويحل عن الهوم وورك
والثالث أكبر مني يدلعني وحنون علي يحسسني بأنوثتي وأشكي له همومي

وبعد فترة فلانة خطبوها :14:
آنه: ها فلانة مين أخذتي فيهم؟؟
فلانة(2): ولا واحد
آنه : لييييش ولاواحد طلع زين
فلانة(2): لا بس آنه خلاص تبت من هالسوالف وأكيد الي يكلمني يكلم غيري (الحين بس عرفت الحقيقة )

""""
فلانة(3)
تصيح وتندب حظها
آنه: شفيج خير شنو صاير
فلانة(3): الله يخليج ساعديني
آنه : قولي شنو خوفتيني
فلانة(3): فلان نصب علي خذ صوري ويهددني فيهم
آنه : لاحول الله آنه قلت لج بس أنتي ماطاوعتي
فلانة(3): الحين ماينفع هالكلام .. دوري لي صرفه
آنه: كيف شنو آقدر أسوي؟
فلانة(3): مادري قولي حق أخوج زوجج يساعدنا هذا شرفي وإن وصل الكلام حق هلي ذبحوني
(( وين الشرف لما كلمتيه من الأول وطلعتي معاه وخدعتي أهلج))

وبعد فترة فلانة رجعت تكلم فلان
آنه: هاااااااااااا إلا رجعتي أن شاء الله اتفقتوا على الزواج
فلانة(3): لا بس تصالحنا ورجع لي الصور ((وشدراج ما سوى عليهم كوبي ))



هذه بعض النماذج كان سمعتها
وكلها فاشلة ومبنية على الغش والخداع
وقد تكون عبرة للأذكياء

تحياتي