السلام عليكم ...
أخي الفاضل ،،،
المفروض أنت من أول تكون صريح في كل شي معاها ومع أهلها،،
من ناحية المصاريف ومن ناحية التكاليف كل واحد يعرف إللي له وإللي عليه ،،
يعني الملكة معروفة أنها على أهل البنت والزواج على أهل الخاطب ،،
ومن ناحية تصرفاتها أخي المفروض أنك سألت وتقصيت عنها تمام من ناحية الأخلاق والطباع ،،
لأن ترى مو بس الشاب إللي يُسأل عنه ،،
لازم تصارحها يا أخي الكريم علشان تكون على نور وتوضح لها أمكانياتك وأنك قاعد تسوي كل هذا علشانك أنت وإياها واستقرار بيتكم مبني على التفاهم والصراحة إلى جانب الحب والمودة ...
وصارحها بشكوكك بطريقتك الخاصة وقولها أتوقع نبدأ حياتنا بتفاهم يعني لها شخصيتها اللي انت لازم تفهمها ولك شخصيتك اللي لازم هي تفهمها..
وقول لها تفكر في الموضوع وأنك شاريها وتبغاها او غير كذا انك ما تقدر تستمر بهالأسلوب ..
والله يوفقك ويسهل أمرك وبالتوفيق ...
أختك ,,, أم حمزة