السلام عليكم
اكرر شكري لكم اخواني على تفاعلكم معاي ....
و صدقيني اختي ( ام خالد ) حتى لو مالي احد يونسني غيرهم و كذا يعاملوني افضل الوحده على اني الصق عمري و افرض نفسي على ناس انا عارفه انهم مو مرحبين بوجودي ....
بعدين ما امدى امون عليهم من اول زواجي لي الحين ( 6 ) سنوات و برمضان اكمل ( 7 ) ما اقعد معاهم قعده مثل اللي متعوده عليها بين امي و حريم عمامي ما شا الله عليهم اكثر من اخوات حتى مسواقهم مع بعض الله يديم علينا التألف ... و هذا اللي انا متخيلته من اهل زوجي بس تفاجئت فيهم ....
اخواتي ( تويتي نايس .. همس المطر .. مها الكويت ) الف شكر على الشد على يدي و جزاكم الله خير ... طمنتوني اكثر و اكثر ... بدى احساس الذنب يتلاشى عندي ...