اقتباس:
|
المشاركة الأصلية كتبت بواسطة أم وداد
السلام عليكم ورحمة الله وبركاته
شوفي اختي .. سمعي كلامي كلمتك الي قلتيها انا بطريق وانت بطريق.. احسن كلمة قلتيها ...
شوفي .. هذا كان يبيك لمدة 7 سنوات .. ومتلهف لانك كنتي بعيدة ولا دارية عنه.. والحين لانك عنده رخصتي بنظره .. وصار مايخاف خصوصا انه علقك بحبه ..
سمعيني يالغلا .. هذا يحب التملك وبس.. ماقصر معك في البداية صح .. عشان اتحبينه .. عشان اتقولين الكلام الي اتقولينه الحين "انا مانكر انه كان طيب مو مقصر معي"
كان يبيك لانك ماتنطالين .. والحين انتي تحت ايده .. انتو مخطوبين .. مابينكم عقد ولا شي.. بسهولة تقدرين تتركينه .. طبعا الي اقصده .. يعني مايربطكم الزواج الي قبل ماتنفصلين لازم اتفكرين مليون مرة ..
وادري انك اتحبينه وصعبه تتركينه لكن دوسي على قلبك .. حفظي ماء وجهك وكرامتك ولا تتنازلين .. هذا مو زوج بعده ماصار الانسان الي لازم اتضحين وتتنازلين عشانه ..
الكلمة الي قلتيها" انت بطريق وانا بطريق" بتخليه يراجع حساباته ويعرف ويحط في باله ان انتي مثل ماحبيتيه بسرعة تقدرين تنسينه .. بيحط في باله ان هو مو شغلك الشاغل..
الي يبيعك برخيص بيعيه بتراب..
ولا تتنازلين وتتصلين ارجوك ..
خليك على كلمتك انت بطريق وانا بطريق.
وطمنينا
|
أختي الغالية ام وداد
اني احبك في الله فانا اتابع ردودك دائما
بالنسبة لمشاركتك
معك حق برايك فهو كان مايقدر يحصلني وفجأة صرت بين يدينة خلاص ضمن
تدرين ذكرتيني دائما كان يقول لي انت حلم حتى ماكنت اقدر احلمة
كان يقول انا ماكنت اتخيل حتى انه ممكن اتكلم معك مو اني اخطبك او اتزوجك وانك تحبيني!!
والله هذا انا احاول ادوس على قلبي واحفظ باقي ماء الوجه اذا كان اصلا فيه فيه بقى
يكفي كلمته لي امس والله ماتذليني والله مااتنازل لك حتى لوكنتي انتي
انا مافيه احد يهيني!!
يعني كلام من غير منطق ولاعقل ومن دون اي سبب ، لكن مثل ماقلت طبعه اذا تناقشنا جاب كل الي عندة وعاد وزاد بالماضي زي الطفل لامسك له سالفة .
دعواتك تمر هالليلة على خير واني اقدر انام ، واقدر اني امسك نفسي مااتصل ، رغم اني واثقة نوعا ما انه حاط الموضوع كرامه وعزة وعناد وغالبا ماراح يدق...
خوف قلبي كلمتي ماأثرت فيه بشيء.
الشكوى لله
جزاك الله كل خير وخلا لك وداد
يكفي ان حسيت اني لقيت احد وده يساعد
لاتنسيني من دعواتك