اختي انا اخصائيه اشعه وبحاول افيدك باللي اعرفه مع اني مافهمت.. انتي عندك انسداد بالانابيب اثنينهم ولا واحد.. اذا واحد مفتوح تراه يكفي علشان يصير حمل باذن الله

الاشعه هذي اسمه hestroslapingography والغرض منها الكشف على الرحم والانابيب اذا كان فيها انسداد ولا لا

وهي عباره عن حقن سائل بسيط داخل عنق الرحم .. والسائل هذا لما يدخل بتحسي بشويه مغص خفيف مثل الم الدوره يعني ممكن تتحمليه وبعض النسا مايشعروا فيه اصلا

والموضوع كله ماياخذ ثوااااااني

بس اهم شي انك تكوني مسترخيه عالاخير ومهديه اعصابك .. ركزي على هالنقطه

لانك اذا شديتي على نفسك راح تتقلص العضلات ويضيق عنق الرحم ويصير صعبه تدخل الماده والموضوع راح يطول معاك وبتتألمي

يعني انتي بامكانك تسهليه على نفسك او تصعبيه

اذا انتي مسويه اشعه صوتيه ومنظار سفلي تقريبا نفس الشي راح يشوف وين عنق الرحم ويدخل لك انبوبه مطاط صغيييره ماتحسي فيها علشان يحق الماده من خلالها


واذا كان فيه انسداد لاسمح الله .. ان شاالله راح ينفتح مع دخول الماده .. وانا كثير مريضات قالوا لي انهم يحملوا طبيعي بعدها


يعني هي نفسها تعتبر تشخيص وعلاج



بالنسبه لزوجك مو لازم يدخل معاك قولي له عندي موعد وخلاص ومافي الا دكتوره واخصائيات وخليه ينتظر بالانتظار.. وانتي خذي نتيجتك ومواعيدك بنفسك ... لان الرجال مايتدخلوا بمواضيع الا يخربونها لانهم ماعندهم صبر مثلنا


والله يسهلها عليك ان شالله